राप्रपा नेपालका अध्यक्ष कमल थापाले माओवादी द्वन्द्वकालका हत्यालाई वर्गीकरण गरेर उन्मुक्ति दिनु संक्रमणकालीन न्यायको मान्यता नभएको बताएका छन् ।

सोमवार बिहान सामाजिक सञ्जाल ट्विटरमा लेख्दै थापाले द्वन्द्वकालमा सयौं निर्दोष व्यक्तिहरूको हत्या भएको बताए ।

उनले लेखेका छन्, ‘माओवादी द्वन्द्वकालमा सयौं निर्दोष व्यक्तिहरूको हत्या भएको छ । उनीहरूका परिवारले न्याय पाउनुपर्छ । ‘हत्या’लाई वर्गीकरण गरेर अपराधीलाई उन्मुक्ति दिनु संक्रमणकालीन न्यायको मान्यता होइन । हत्या जघन्य अपराध हो । अहिले विद्रोही र सरकार दुवै एउटै भएका छन् । संसदले विवेक गुमाउने छैन भन्ने आशा गर्दछु ।’