कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
देशका १६५ निर्वाचन क्षेत्रमध्ये चितवन २ मा सबैभन्दा फराकिलो अन्तरले जितेका राष्ट्रिय स्वतन्त्र पार्टीका सभापति रवि लामिछानेको नागरिकता प्रकरणमा सांसद पद खारेज भएको थियो । तर उनी पुनः नगारिकता प्राप्त गरेपछि १० वैशाखमा हुने उपनिर्वाचनका लागि मैदानमा उत्रिएका छन् ।
लामिछानेविरुद्ध कांग्रेसका पूर्व जिल्ला सभापति जीतनारायण श्रेष्ठ प्रतिस्पर्धामा उत्रिँदा एमाले पनि उसै गरी युवा नेता रामप्रसाद न्यौपानेलाई उम्मेदवारमा अघि सारेको छ ।
यसैले ४ मंसिरमा भएको निर्वाचनको ५ महिनामा नै हुन लागेको उपनिर्वाचनमा चितवन २ मा युवा नेताबीच रोचक प्रतिस्पर्धा हुने भएको हो ।
एमालेकाे परम्परागत बलियो क्षेत्र, कांग्रेसको पनि उस्तै प्रभाव र स्थानीय उम्मेदवारले यो क्षेत्रको चुनावी माहोल फरक हुँदैछ ।
आफ्नो लोकप्रियताको बलमा कांग्रेस र एमालको मत तानेर जितेका रवि नै फेरि यी उम्मेदवारविरुद्ध प्रतिस्पर्धामा उत्रिँदै गर्दा यसपटककाे भिडन्त थप रोचक हुने देखिन्छ ।
त्रिपक्षीय भिडन्तको प्रतिस्पर्धाले उपनिर्वाचनको माहोल थप तताउने भएको हो ।
मंसिर ४ गते देशका १६५ निर्वाचन क्षेत्रमध्ये चितवन २ मा रवि लामिछानेले सबैभन्दा फराकिलो जीत हात पारेका थिए । टेलिभिजन प्रस्तोता हुँदै राष्ट्रिय स्वतन्त्र पार्टी (रास्वपा) खोलेर चुनावी मैदानमा होमिएका उनले ३४ हजार ३१२ मतान्तरको फराकिलो जीत हात पारे । लामिछानेले ४९ हजार ३०० मत ल्याउँदा प्रतिस्पर्धी कांग्रेसका उमेश श्रेष्ठ छेउछाउ पनि पुगेनन् । उनले १४ हजार ९८८ र एमालेका कृष्णभक्त पोखरेलले १४ हजार ६५२ मत ल्याएका थिए ।
पुनः नागरिकता प्राप्त गरेपछि लामिछानेले फेरि यही क्षेत्रबाट चुनाव जितेर आउने विषयलाई प्रतिष्ठा मानेका छन् । उनले प्रतिष्ठा मानेको क्षेत्रमा कांग्रेसले उद्यमी उमेश श्रेष्ठलाई पुनः उठाएन । बरु भूगोलमै राजनीति गरेका युवा नेता एवं पूर्व जिल्ला सभापति जीतनारायणलाई उम्मेदवार बनाउन चाह्याे । पुराना दलविरुद्ध आफ्नो दबदबा देखाउने रविको तयारी र आफ्नो परम्परागत विरासत र आधारलाई फर्काउने कांग्रेस र एमालेको संकल्पले पनि चितवनको उपनिर्वाचन यसपटक रोचक हुने बताइन्छ । एमालेले पनि उस्तै गरी युवा नेतालाई प्रतिस्पर्धामा उतार्ने निधो गर्यो । यसैले यहाँ पेचिलो प्रतिस्पर्धा हुने देखिएको हो ।
एमालेले पुराना प्रतिस्पर्धी र भूगोलमा चर्चित कृष्णभक्त पोखरेल नै उम्मेदवार बनाउँछ कि भन्ने धेरैलाई थियो । तर अनेरास्वयुबाट एमालेमा स्थापित र लोकप्रिय बनिरहेका युवा नेता न्यौपानेलाई उम्मेदवारमा छानेको हो । उनी एमाले जिल्ला अध्यक्ष हुन् । रवि, जीतनारायण जस्तै एमालेले पनि विकल्पमा युवा नेता न्यौपानेलाई अघि सारेपछि तीन युवा नेताबीच प्रतिस्पर्धा रोचक हुने देखिएको हो ।
अघिल्लोपटक व्यावसायी उम्मेदवार बनेको भन्दै कांग्रेसको भोट पनि रविलाई गएको थियो । एमालेको पनि भोट रविले तानेका थिए । यसैले युवा नेता रविविरुद्ध दुवै दलले युवालाई नै अगाडि सारेर चुनौती दिन खोजेका हुन् ।
सत्ता गठबन्धनलाई जसरी पनि परास्त गर्ने संकल्प लिएका एमाले अध्यक्ष केपी ओलीले यो क्षेत्रमा उम्मेदवारमा ‘सरप्राइज’ दिनसक्ने आकलन थियो । ओलीले युवा नेताविरुद्ध युवा नेतालाई भरोसा गरेर टिकट टुंग्याएका हुन् ।
नयाँ दल खोलेर २० जितेको रास्वपा विपक्षमा बस्ने धेरैको अनुमान थियो । तर १० पुसमा सरकारमा गयो । सभापतिको नागरिकता विवाद भएपछि प्रचण्ड नेतृत्वको सरकारबाट रास्वपाले मन्त्रीलाई फिर्ता बोलायो तर समर्थन फिर्ता लिएन । एमाले सरकारबाट बाहिरिए पनि रास्वापाले सरकारलाई समर्थन गरिरह्यो ।
बरु राष्ट्रपतिमा कांग्रेस उम्मेदवारलाई सघाउने, फेरि ६ चैतमा प्रधानमन्त्रीलाई विश्वास दिने र फेरि सरकारमा जाने नीति लियो । सरकारमा जान चाहेर पनि रविलाई प्रचण्डले समेटेनन् । नयाँ दल खोलेर परम्परागत दलविरुद्ध शानदार जीत दर्ता गरेर रवि रातारात चर्चित बन्न पुगे । तर छोटो समयमा देखाएका उतारचढावले भने उनको पनि आलोचना बढाएको छ । युवा नेताविरुद्ध चुनावी मैदानमा उठ्दै गर्दा रविले यी चुनौतीको सामना गर्नुपर्ने प्रष्टै छ ।
तर पनि रविको जबर्जस्त पकड र लोकप्रियता पूरै नघटिकेको अवस्थामा उनलाई चुनौती दिने गरी जीतसम्म पुग्नुपर्ने चुनौती कांग्रेस र एमालेका उम्मेदवारलाई छ ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...