कोशी सरकार गठनको विवादमा सर्वोच्चद्वारा अन्तरिम आदेश दिन अस्वीकार

कोशी प्रदेश सरकार गठनका सम्बन्धमा दायर भएको रिटमा सर्वोच्च अदालतले अन्तरिम आदेश दिन अस्वीकार गरेको छ । 

शुक्रबार न्यायाधीश हरिप्रसाद फुयालको एकल इजलासले निवर्तमान मुख्यमन्त्री केदार कार्कीले दायर गरेको रिटमाथि सुनुवाइ गर्दै कारण देखाऊ आदेश जारी गरेको हो । 

अदालतले यस सम्बन्धमा निवेदकको माग बमोजिम आदेश जारी गर्न नपर्ने भए १० दिनभित्र महान्यायाधिवक्ताको कार्यालयमार्फत लिखित जवाफ पेस गर्न विपक्षीलाई आदेश दिएको छ । 

यस्तै अदालतले उक्त मुद्दाको अर्को सुनुवाइ जेठ ९ गतेका लागि तोकेको छ।  कार्कीले बिहीबार प्रदेश प्रमुखले हिक्मत कार्कीलाई असंवैधानिक ढङ्गले मुख्यमन्त्रीमा नियुक्त गरेको भन्दै उक्त नियुक्ति बदर र आफूलाई मुख्यमन्त्रीमा निरन्तरता दिन माग गर्दै सर्वोच्चमा रिट निवेदन दर्ता गराएका थिए ।