नेपाली कांग्रेसका नेता डा. शेखर कोइरालाले काठमाडौं महानगरपालिकाले सिंहदरबारको फोहोर नउठाउनु अराजकता भएको बताएका छन् ।

बिहीवार बिहान सामाजिक सञ्जाल ट्विटरमा लेख्दै कोइरालाले सरकारले महानगरले उठाएका प्रश्नलाई बेवास्ता गर्नु गलत भएको जनाएका छन् ।

उनले लेखेका छन्, ‘कामपाले सिंहदरवार लगायत स्थानको फोहोर नउठाउनु अराजकता हो, जिम्मेवार निकायको यो व्यवहारको सबैले विरोध गर्नैैपर्छ । अर्कोतर्फ सरकारले पनि महानगरले उठाएका प्रश्नको वेवास्ता गर्दै धम्कीको भाषा प्रयोग गर्नु सिंहदरबारले स्थानीय निकायलाई हेर्ने दृष्टिकोणको प्रतिबिम्ब हो । दुवै सच्चिनुपर्छ ।’