इन्डियन प्रिमियर लिग (आईपीएल) क्रिकेटमा शनिवार राति भएको खेलमा लखनऊ सुपर जोइन्टसलाई हराउँदै गुजरात टाइटन्सले जितेको छ ।

शुरूआती ब्याटिङ गरेको गुजरातले १३६ रनको लक्ष्य दिएको थियो । जवाफी ब्याटिङ गरेको लखनऊले १५ ओभरसम्म ठीकठाकै खेलिरहेको थियो तर खेलको अन्तिमतिर उसको प्रदर्शन सुखद रहन सकेन ।

भारतीय सञ्चारमाध्यमका अनुसार लखनऊले ३० बल खेल्न बाँकी रहँदासम्म १०६ रन बनिसकेका थिए भने जीतका लागि ३० रन मात्रै बनाउन बाँकी थियो । अन्तिम ओभरहरूतिर ३० बलमा ३० रन बनाउनलाई सामान्य लक्ष्य नै मानिन्छ तर लखनऊ लक्ष्य भेट्टाउन चुक्यो ।

खेल हारेपछि केएल राहुलले भने, ‘मलाई विश्वास भइरहेको छैन कि कसरी यस्तो भयो ?’

गुजरातको जीतसँगै अंक तालिकामा सुधार भएको छ । गुजरातले ६ खेल खेलेर ४ खेलमा जितेको छ, यसरी ८ अंकका साथ गुजरात चौथौ नम्बरमा रहेको छ । लखनऊ ७ खेल खेलेर ४ खेल जित्दै ८ अंकका साथ दोस्रो नम्बरमा रहेको छ ।