सर्वोच्च अदालतले टीकापुर घटनामा दोषी रेशम चौधरीलाई जन्मकैदको फैसला यथावत राखेपछि नागरिक उन्मुक्ति पार्टीले विरोध जनाएको छ ।

सर्वोच्च अदालतको फैसलाप्रति असन्तुष्टि जनाउँदै पार्टीका केही नेता–कार्यकर्ताले विरोध प्रदर्शन गरेका छन् ।

पार्टीका नेता, कार्यकर्ताले मंगलवार साँझ माइतीघर मण्डलामा भेला भई सर्वोच्चको फैसलाप्रति विरोध जनाएका हुन् । प्रदर्शनका लागि नागरिक उन्मुक्ति पार्टीकी केन्द्रीय सदस्य एलिजा गौतम सहितका कार्यकर्ता माइतीघर पुगेका थिए । उनीहरूले सर्वोच्चको फैसला अन्यायपूर्ण भएको र तत्काल रेशम चौधरीलाई रिहाइ गर्न माग गरेका छन् ।