नेकपा एमालेका सांसद रामचन्द्र राईले भारतसँग सम्बन्ध नेपालका लागि समस्या नभइ अवसरका रुपमा रहेको बताएका छन् । 

बिहीवार राष्ट्रियसभा अन्तर्गतको राष्ट्रिय सरोकार तथा समन्वय समितिको बैठकमा बोल्दै सांसद राईले नेपालको लागि भारतसँगको सम्बन्ध अवसर भएको बताएका हुन् ।

उनले भारतसँगको सम्बन्धलाई अवसरको रुपमा परिणत गर्नका लागि सरकारले सुझबुझपूर्ण पहलकदमी चाल्नुपर्ने बताए ।

‘१९५० को सन्धिको मुल कपि छैन । जे प्राप्त भएको छ, त्यसको आधिकारिकता कति छ जसको मुल कपि अहिलेसम्म पाएकै छैन । हामीले जे बजारमा पाइरहेका छौँ, जे हाम्रोमा सुन्नमा, देख्नमा, बुझ्नमा आइरहेको छ यसको आधिकारिकता कति ? दोस्रो कुरा भारत नेपालको लागि अवसर हो भन्ने बुझ्छु मैले । तर यसलाई समस्या बनाइयो । त्यो पनि हाम्रो नेतृत्वको कारणले गरेको हो । मेरो कुरा के हो भने भारत समस्या होइन अवसर हो । यसलाई अवसरको रुपमा परिणत गराउनको लागि हाम्रो नेतृत्वको सुझबुझपूर्ण पहलकदमी हुनुपथ्र्यो भएन ।’ उनले भने ।

नेपालमा सन् १९५० को सन्धि खारेज हुनुपर्ने माग बारम्बार उठिरहने भन्दै सो सन्धि खारेज हुनु र नहुनेको कुनै अर्थ नभएको उनको भनाइ छ ।