घोराही सिमेन्ट ७९ लाख ४३ हजार ८०१ कित्ता शेयर जारी गर्ने भएको छ ।

आयोजना प्रभावित र वैदेशिक रोजगारीमा रहेका नेपालीहरूका लागि बिक्री खुला गरिएको शेयरमा उत्साहपूर्ण सहभागिताप्रति धन्यवाद ज्ञापन गर्दै कम्पनीले शेयर जारी गर्ने जानकारी दिएको हो । कम्पनीले गत वैशाख १९ देखि जेठ २ गतेसम्म आयोजना प्रभावित र वैदेशिक रोजगारीमा रहेका नेपालीहरूका लागि शेयर बिक्री खुला गरेको थियो ।

कम्पनीले जारी गर्ने शेयर मध्ये ३ लाख ९७ हजार १९० कित्ता शेयर आयोजना प्रभावितका लागि रहेको छ ।

यस्तै, वैदेशिक रोजगारीमा रहेका नेपालीहरूका लागि ७ लाख ५४ हजार ६६१ कित्ता शेयर छुट्याइएको कम्पनीले जनाएको छ ।

शेयर खरिदका लागि वैदेशिक शेयर खरिदकर्ताले देखाएको उत्साहले थप हौसला बढाएको कम्पनीले जनाएको छ ।

उद्योगले अहिले क्लिंकर क्षमता दैनिक ६ हजार टन र ग्राइन्डिङ क्षमता दैनिक ४ हजार टन पुर्‍याएको छ ।

कम्पनीले निकट भविष्यमा नै सर्वसाधारणको लागि जारी गर्ने शेयर खरिद कार्यमा आम लगानीकर्ताको सक्रिय र उत्साहपूर्ण सहभागिताका लागि कम्पनीले आग्रह गरेको छ । ‘यहाँहरूको निरन्तर साथ, सहयोग र सद्भाव हामीलाई प्राप्त हुने नै छ भन्ने विश्वास गर्दै पुनः समग्र शेयर खरिदकर्ताहरू प्रति आभारसहित धन्यवाद ज्ञापन गर्न चाहन्छौं’ कम्पनीले जारी विज्ञप्तिमा भनिएको छ ।