संसदीय सुनुवाइ समितिको बिहीवारको बैठकमा प्रस्तावित प्रधानन्यायाधीश हरिकृष्ण कार्कीले आफ्नो कार्ययोजना प्रस्तुत गरेका छन् ।

बिहीवार बिहान ८ बजेका लागि तोकिएको बैठकमा समितिले कार्कीलाई बोलाएको थियो । बैठकमा उपस्थित भएर कार्कीले १९ पेजको कार्ययोजना प्रस्तुत गर्दै आफ्नो धारणा समेत राखेका छन् ।

भोलि शुक्रवार बिहान ८ बजे बस्ने समितिको बैठकमा सांसदहरूले प्रश्न सोध्ने र कार्कीले जवाफ दिने गरी प्रश्नोत्तर सत्र राखिएको छ ।

यसअघि समितिले बुधवार प्रस्तावित प्रधानन्यायाधीशविरुद्ध उजुरी दिने उजुरीकर्तासँग छलफल गरेको थियो ।