बंगलादेशमा यस वर्ष डेंगुका कारण मृत्यु हुनेको संख्या १८५ पुगेको स्वास्थ्य सेवा महानिर्देशनालय (डीएफएचएस) ले जनाएको छ ।

संक्रमितको संख्या ३५ हजार २७० पुगेको स्वास्थ्य मन्त्रालय अन्तर्गतको महानिर्देशनालयको तथ्यांकमा उल्लेख छ । 

स्थानीय समयअनुसार सोमवार बिहान ८ बजेसम्म पछिल्लो २४ घण्टामा लामखुट्टेको टोकाइबाट सर्ने रोग डेंगुका कारण ९ जनाको मृत्यु भएको र यो महिना अहिलेसम्म मृत्यु हुनेको संख्या १३८ पुगेको महानिर्देशनालयले पुष्टि गरेको छ । 

महानिर्देशनालयले सार्वजनिक गरेको तथ्यांकअनुसार गत महिना ५ हजार ९५६ जनामा लामखुट्टेको टोकाइबाट डेंगुको संक्रमण देखिएपछि जुलाईको पहिलो २४ दिनमा थप २७ हजार २९२ जनामा डेंगुुको संक्रमण देखिएको थियो । यो अवधिमा ढाकामा १ हजार २३८ सहित २ हजार २९३ जना नयाँ डेंगुुका बिरामी फेला परेको स्वास्थ्य तथा जनसंख्या मन्त्रालयले जनाएको छ ।

यस वर्षको जनवरी १ देखि जुलाई २४ सम्म देशभरका विभिन्न अस्पतालबाट उपचार गराएर २७ हजार ६२२ जना डेंगुुका बिरामी घर फर्केका छन् । 

डेंगुुको बढ्दो संख्यासँग जुध्न बंगलादेशका स्वास्थ्य अधिकारीहरूले लामखुट्टेको प्रजनन रोक्न र लार्भा विरोधी अभियान सञ्चालन गर्न उपायहरू कडा पारेका छन् ।