नेपालमा उत्पादित गोलभेँडा  भारतमा  निर्यात हुन थालेको छ । 

साउन २८ गते सम्ममा काँकडभित्ता  र भैरहवा नाकाबाट गरी करिब  ३०  मेट्रिक टन गोलभेँडा निर्यात भएको कृषि मन्त्रालयले जनाएको छ । 

गोलभेँडा, हरियो मटरकोसा, हरियो खुर्सानीलगायत तरकारी बालीलाई भारतको प्लान्ट क्वारेन्टाइन अर्डर  सूचीमा समावेश गरी निकासलाई सहजीकरण गर्न नेपालबाट पटक पटक अनुरोध गर्दै आएको थियो । 

भारतले सर्तसहित निश्चित समयलाई आयात खुला गरेको भन्ने जानकारी गराएअनुसार भारत निकासी हुन सुरु भएको मन्त्रालयले जनाएको छ ।