काठमाडौँ । प्रधानमन्त्री पुष्पकमल दाहाल प्रचण्डले एमालेका उपाध्यक्ष तथा  पूर्व सभामुख सुवास नेम्वाङको असामयिक निधनको खबरले आफू मर्माहत भएको बताएका छन् । 

प्रचण्डले सामाजिक सञ्जाल एक्समार्फत दिवंगत नेम्वाङप्रति भावपूर्ण श्रद्धान्जली अर्पण गर्दै शोकाकुल परिवारजनमा हार्दिक समवेदना प्रकट गरेका छन् । 
 ‘संविधानसभाका अध्यक्ष तथा पूर्व सभामुख कमरेड सुवास नेम्वाङको असामयिक निधनको खबरले मर्माहत भएको छु । दिवंगत कमरेड नेम्वाङप्रति भावपूर्ण श्रद्धान्जली अर्पण गर्दै शोकाकुल परिवारजनमा हार्दिक समवेदना प्रकट गर्दछु,’ प्रधानमन्त्रीले सामाजिक सञ्जालमा लेखेका छन् । 

नेम्वाङको गएराति हृदयघातका कारण निधन भएको हो । उनको पार्थिव शरीर अहिले त्रिवि शिक्षण अस्पताल महाराजगन्जमा राखिएको छ ।