×

NMB BANK
Dabur

न कम्प्लेक्स बन्यो, न त बनेको बजार चल्यो

मेयरको जग्गा भाडामा लिएर गुद्री सञ्चालन, एकीकृत कृषि बजारमा बाख्रा चरन

विराटनगर | असोज १२, २०८०

NTC
Sarbottam
Premier Steels

विराटनगर महानगरपालिकाले व्यापारिक कम्प्लेक्स बनाउने भनेर ३ वर्षअगाडि नै पुरानो गुद्री (तरकारी तथा फलफूल बजार)को जग्गा खाली गराए पनि हालसम्म निर्माण प्रक्रिया थालिएको छैन ।

Sagarmatha Cement
Muktinath Bank

महानगर गौरवको आयोजना मानिएको कम्प्लेक्स जग्गा विवादका कारण अल्झिएको हो । खाली गरिएको गुद्रीको जग्गामा महानगरले पार्किङ बनाएको छ ।


Advertisment
RMC TANSEN
IME BANK INNEWS
shivam ISLAND

२०७७ मा तत्कालीन मेयर तथा हालका कोशी प्रदेशसभा सदस्य भीम पराजुलीले व्यापारिक भवन बनाउने भनेर ३ वर्ष अगाडि पुरानो गुद्रीका तरकारी व्यापारीलाई जग्गा खाली गर्न लगाएका थिए । 


Advertisment
SBL

जग्गा छाड्न नमानेकालाई महानगरले प्रहरी लगाएर बल प्रयोग गरेको थियो । तर, ३ वर्ष बित्न लाग्दा पनि त्यहाँको जग्गा विवाद मिल्न सकेको छैन ।

Vianet communication
Laxmi Bank

पुरानो गुद्रीबाट उठाइएका व्यापारीलाई वर्तमान मेयर नागेश कोइरालाको जग्गामा राखिएको छ । कोइरालाले मासिक ६ लाखभन्दा बढी भाडा उठाउँदै आएका छन् ।

अर्कातर्फ विराटनगरलाई नै लक्षित गरेर बनाइएको एकीकृत कृषि बजार पनि अलपत्र छ ।

आफ्नो जग्गामा भाडा आइरहेका कारण व्यापारिक कम्प्लेक्स बनाउन मेयरले चासो नदिएको आरोप व्यापारीहरूले लगाउन थालेका छन् ।

‘मेयरले आफ्नो जग्गाबाट मासिक भाडा लिएकै छन्, अनि कम्प्लेक्स बनाउनका लागि किन हतार गर्नु ?’ गुद्रीका एक तरकारी व्यापारीले लोकान्तरसँग भने ।

मेयरको जग्गामा सञ्चालित गु्द्री बजार

आफूहरूलाई उठाइए पनि कम्प्लेक्स बनाउने काम अगाडि नबढेपछि व्यापारीहरू आक्रोशित छन् ।

महानगरले अनावश्यक दुःख मात्र दिएको सब्जी फलफूल तथा गुद्री बजार व्यवस्थापन समितिका सचिव साहब अहमद गुड्डले बताए ।

२०७८ कात्तिक १२ गते विराटनगर महानगरपालिकाले कोशी प्रदेश सरकारको प्रदेश लगानी प्राधिकरणसँग ‘ई–प्लट’ मा सुविधासम्पन्न अन्तर्राष्ट्रिय स्तरको व्यापारिक भवन बनाउने सम्झौता गरेको थियो ।

सम्झौतामा महानगरको स्वामित्वमा रहेको पुरानो गुद्री बजारको १४ कट्ठा ५ धुर जग्गामा नेपालकै अग्लो २५ तल्ले व्यापारिक कम्प्लेक्स निर्माण  हुने भनिएको थियो ।

परियोजना शुरू गर्न महानगरले आफ्नो स्वामित्वमा रहेको जग्गा ३ महिनाभित्र खाली गराएर लगानी प्राधिकरणलाई उपलब्ध गराउनुपर्ने शर्त थियो ।

२०७८ कै वैशाखमा भवन शिलान्यास गर्ने तयारीका साथ महानगरले जग्गा खाली गराए पनि अहिलेसम्म जग्गा विवाद समेत मिलाउन सकेको छैन । 

कोशी प्रदेशमा पछिल्लो समय देखिएको राजनीतिक अस्थिरताले पनि विकास निर्माणका काम प्रभावित भएका छन् ।

महिना–महिना दिनमा सरकार परिवर्तन हुने गरेकाले पनि विकास निर्माणको काममा असर परेको लगानी प्राधिकरणका प्रमुख कार्यकारी निर्देशक डा. सरोज कोइरालाले बताए । उनले कम्प्लेक्सका लागि सम्झौताको अन्तिम तयारी भइरहेको पनि बताए ।

प्रदेश लगानी प्राधिकरणको बोर्ड बैठकले गत साउन २९ गते काठमाडौंको डोरवे इन्टरनेसनललाई लगानीका निम्ति स्वीकृति दिएको थियो ।

व्यापारिक कम्प्लेक्समा आवश्यक लगानीका निम्ति स्वीकृति प्रदान गर्ने कार्य सम्पन्न भएसँगै निर्माण निर्माणको बाटो खुलेको प्राधिकरणको दाबी छ ।

दुई साताभित्र विराटनगर महानगरपालिका, लगानी प्राधिकरण र डोरवे इन्टरनेसनलबीच त्रिपक्षीय समझदारी पत्रमा हस्ताक्षर गरेर भवन निर्माण प्रक्रिया अघि बढाउने तयारी रहेको विराटनगर महानगरपालिकाका मेयर नागेश कोइरालाले बताए ।

पुरानो गुद्रीको जग्गा भित्र १४ कट्ठा जमिनमा कुल ४ अर्ब ९० करोड रुपैयाँको लागतमा २५ तल्ले बहुउद्देश्यीय भवन निर्माण गर्ने योजना छ ।

कुल लगानीको ८० प्रतिशत रकम पूर्वाधार विकास बैंकले ऋण लगानी उपलब्ध गराउने छ भने बाँकी २० प्रतिशत डोरवे इन्टरनेसनलले व्यहोर्ने बताइएको छ ।

आगामी सन् २०२६ सम्ममा निर्माण सम्पन्न भइसक्ने बताइएको उक्त भवन ३ तल्ले अन्डरग्राउन्ड पार्किङसहितको हुने महानगरले जनाएको छ ।

महानगरका अनुसार भवनमा पाँचतारे होटल, रेस्टुरेन्ट, क्यासिनो, विभिन्न संस्थागत कार्यालय तथा पसलहरू समेत रहनेछन् ।

मेयरको जग्गामा गुद्री, एकीकृत कृषि बजार बाख्रा चरनमा परिणत 

विराटनगर महानगरपालिका र कटाहरी गाउँपालिकालाई लक्षित गरेर नमूना एकीकृत कृषि बजार बनाइए पनि उक्त बजार सञ्चालनमा आउन सकेको छैन ।

विराटनगर महानगरपालिका र कटहरी गाउँपालिकाको सिमानामा १३ करोडभन्दा बढी लगानीमा निर्माण गरिएको बजार अलपत्र परेको हो ।

संघीय कृषि तथा पशुपन्छी विकास मन्त्रालयले व्यावसायिक कृषि तथा व्यापार आयोजनामार्फत बजार निर्माण गरेर प्रदेश सरकारलाई हस्तान्तरण गरेको थियो । २०७५ सालमा निर्माण सम्पन्न बजार तत्कालीन प्रधानमन्त्री केपी शर्मा ओलीले उद्घाटन गरेका थिए । 

१७ हजार ८ सय ८१ वर्गमिटर क्षेत्रफलमा निर्माण गरिएको बजारमा थोक बिक्रेताका लागि गोदामसहित १४ सय ८८ वर्ग मिटरभित्र १७ वटा सटर, खुद्रा बिक्रेताका लागि ३ सय ५१ वर्ग मिटरको सेड, कृषकका लागि आफ्नो उत्पादन आफैं बिक्री गर्न १ सय ३८ वर्ग मिटरको सेड निर्माण गरिएको छ ।

अलपत्र एकीकृत कृषि बजार

कटहरी गाउँपालिकामा रहेको जनप्रिय माध्यमिक विद्यालयको ४ बिगाहा २ कट्ठा र गाउँपालिकाको ऐलानी जग्गा १८ कट्ठा २ धुर गरी ५ बिगाहा २ धुरमा बजार निर्माण गरिएको हो ।

५० वर्षसम्मका लागि जग्गा लिजमा लिएर काम शुरू गरिएको हो  ।

विराटनगरको मुख्य बजारमा रहेको गुद्री बजारलाई स्थानान्तरण गरी एकीकृतरूपमा अन्तर्राष्ट्रिय मोडलमा कृषि बजार सञ्चालन गर्ने भने पनि व्यापारीहरू जान नमानेपछि उक्त बजार बाख्रा चरणमा परिणत भएको छ ।  

प्रदेश सरकारको स्वामित्वमा रहेको एकीकृत कृषि बजार सञ्चालन गर्ने बारेमा धेरै चरण छलफल भए पनि सञ्चालनमा आउन सकेको छैन ।

प्रदेश सरकार र स्थानीय सरकारले सञ्चालन गर्न नसकेपछि कटहरी फलफूल तथा तरकारी थोक बजार सञ्चालन नियमावली, २०७७ बनाएर विराट कृषि उत्पादन तथा बजारीकरण विशिष्टीकृत सहकारी संघ कटहरीलाई जिम्मा दिए पनि उक्त सहकारीले समेत सञ्चालन गर्न सकेको छैन ।

hAMROPATRO BELOW NEWS
NLIC
TATA Below
पुस ५, २०८०

काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...

कात्तिक १७, २०८०

विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...

पुस ८, २०८०

शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...

कात्तिक २४, २०८०

काठमाडौंको सीतापाइलाबाट करिब ४ किलोमिटरभित्र कल्लाबारी पर्छ । ह्वाइट गुम्बा पछाडि नागार्जुन वडा नम्बर ६ मा पर्ने यो ठाउँको दृश्य निकै मनमोहक देखिन्छ ।    हुन पनि डाँडाको एक पाखो पूरै फूलैफूलल...

माघ ८, २०८०

राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...

मंसिर ४, २०८०

कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...

कहाँ चुक्यौँ हामी ?

कहाँ चुक्यौँ हामी ?

फागुन १९, २०८०

हामी सबैको आकाश एउटै छ । धर्ती एउटै छ । हावा, पानी, माटो एउटै छ । अग्नि, वायु, सूर्य एउटै छ । जन्म प्रक्रिया एउटै छ, मरण प्रक्रिया एउटै छ । जीवन प्रक्रिया एउटै छ, जीवन प्रणाली एउटै छ । मांसपेशी प्रणाली एउटै छ ...

‘कुशासन’- पवित्रतालाई समेत छायाँमा पारेको एक बदनाम शब्दावली

‘कुशासन’- पवित्रतालाई समेत छायाँमा पारेको एक बदनाम शब्दावली

फागुन १७, २०८०

हामीले सुन्दै आएको शब्द ‘कुशासन’को दुई फरक अर्थ हुन्छ । धेरैले राज्य शासनसँग जोडिएको घिनलाग्दो शब्द 'कुशासन' सुन्नुभएकै छ। पूजापाठ वा पवित्र कार्यमा बिछ्याइने कुशबाट बनेको चकटी वा आसनलाई प...

गल्ती दर्शनको सन्देश

गल्ती दर्शनको सन्देश

फागुन १२, २०८०

हामी प्रायः गल्ती गर्नु हुँदैन भन्छौँ, गल्ती हुन्छ कि भनेर डराउँछौँ । आफ्ना नानीहरूलाई पनि यस्तै शिक्षा दिन्छौँ । गल्ती गर्नु राम्रो होइन भन्छौँ, गल्ती गरे दण्ड पाइन्छ भन्ने गर्छौँ, तर गल्ती भन्ने कुरा नै त्यस्तै । नगरौँ...

x