पशुपतिनाथ मन्दिर परिसर आसपासका विभिन्न क्षेत्रमा मासु र मदिरा उत्पादन, बिक्री, ओसारपसार, भण्डारण तथा सेवन गर्न नपाइने भएको छ ।  आजदेखि एक साताका लागि यो नियम लागू गरिएको जिल्ला प्रशासन कार्यालय काठमाडौँले जनाएको छ । 

 प्रशासनले एक सूचना जारी गर्दै गौशाला मित्रपार्क सडकदेखि पूर्व, पशुपति क्षेत्रको पूर्व सिमानादेखि पश्चिम, गौशाला तिलगंगा चक्रपथदेखि उत्तर, मित्रपार्क–उमाकुण्ड–गौरीघाट हुँदै गुहृयेश्वरीदेखि दक्षिणभित्रका सबै भागमा यो नियम लागु हुने जनाएको छ । 

बालाचतुर्दशी पर्वलाई मध्यनजर गर्दै मङ्सिर २७ गतेसम्म यो नियम लागु हुने प्रशासनले जनाएको छ ।