नेशनल लाइफ इन्स्योरेन्स कम्पनी लिमिटेडले मिलियन डलर राउण्ड टेबल (एमडीआरटी) सम्मान तथा तालिम सम्पन्न गरेको छ ।​​ 

भैरहवास्थित होटल टाइगर प्यालेसमा सम्पन्न कार्यक्रममा विजेता अभिकर्ताहरूलाई सम्मान गरिएको थियो ।

कार्यक्रममा तोकिएको बीमा शुल्क संकलन गर्ने ४ जना सीओटी र ८३ जना एमडीआरटी अभिकर्ता, विभागीय प्रमुख, प्रदेश प्रमुख एवं शाखा प्रमुखहरूको सहभागिता थियो ।

समारोहमा प्रमुख कार्यकारी अधिकृत (सीईओ) सुरेशप्रसाद खत्रीले अभिकर्ताहरूको प्रतिष्ठित संस्था एमडीआरटीको लागि योग्य भएका अभिकर्ताहरूको वृत्ति विकासको लागि महत्त्वपूर्ण रहने बताए । कम्पनीले अभिकर्ता सञ्जाललाई प्रविधिमैत्री र व्यावसायिक बनाउन निरन्तर लगानी गर्ने उनको प्रतिबद्धता थियो ।

उक्त समारोहमा चर्चित कलाकार मनोज गजुरेलको मनोरन्जनात्मक एवं व्यक्तित्व विकास सम्बन्धमा प्रस्तुति रहेको थियो ।

सम्मानित बिजनेश लिडरहरूले सीईओबाट सम्मान ग्रहण गर्दै आफूहरूले गरेको मेहनतको कदर भएको र अत्यन्तै खुशी लागेको बताएका थिए ।