प्रतिनिधिसभाको बैठक आइतबार बिहान ११ बजे बस्दै छ ।

बैठकमा प्रधानमन्त्री पुष्पकमल दाहाल प्रचण्डसँग प्रश्नोत्तर गर्ने कार्यसूची संघीय संसद सचिवालयले तय गरेको छ । 

त्यस्तै, सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार तोकिएको सम्बन्धी पत्र पढेर सुनाउने कार्यसूची पनि छ । 

सचिवालयका अनुसार आजै अर्थमन्त्री प्रकाशशरण महतले आर्थिक कार्यविधि तथा वित्तीय उत्तर दायित्व सम्बन्धी अध्यादेश स्वीकृत गरियोस् भन्ने प्रस्ताव पेश गर्नेछन् । 

संसदको बैठकलाई एमालेले यातायातमन्त्री प्रकाश ज्वालाको राजीनामाको विषय उठाउने तयारी पनि गरेको छ । ललितपुरको बालकुमारीमा भएको घटनामा जाँचबुझ आयोगले ज्वालालाई प्रमुख जिम्मेवार ठहर गरेकाले उनले राजीनामा दिनुपर्ने एमालेको माग छ ।