×

NMB BANK
NIC ASIA

असुरक्षित बैंकिङ 'प्लाटफर्म'

कनेक्ट आईपीएसको चरम लापरबाही : एकपछि अर्का ग्राहकको बैंक खाताबाट पैसा गायब !

काठमाडाैं | फागुन १५, २०८०

NTC
Sarbottam
Premier Steels
Marvel

गत माघ ९ गते सुनसरीको इनरुवाका शिवनन्दन मेहताले आफ्नो बैंक खाताबाट ९ लाख रुपैयाँ अर्कै बैंकमा ट्रान्सफर भएको म्यासेज पाए ।

Muktinath Bank

उनले यस्तो म्यासेज राष्ट्र बैंकबाट भुक्तानी प्रणाली सञ्चालकको रूपमा अनुमति पाएको नेपाल क्लियरिङ हाउस अर्थात 'कनेक्ट आईपीएस'मार्फत पैसा ट्रान्सफर भएको भनेर पाएका थिए ।


Advertisment
RMC TANSEN
IME BANK INNEWS
shivam ISLAND

आफ्नो अनुमतिविना पैसा ट्रान्सफर भएपछि उनी बैंकमा पुगे । बैंकले रकम ट्रान्सफर भइसकेकाले जुन बैंकमा ट्रान्सफर भएको हो, त्यहाँ जान सुझायो ।


Advertisment
Nabil box
Kumari

उनी तत्काल पैसा ट्रान्सफर भएको बैंकमा पुगे । विडम्बना, सो बैंकबाट चेकमार्फत पैसा निकालिइसकिएको थियो । बैंकका कर्मचारीले आफूले केही गर्न नसक्ने जवाफ दिए । त्यसपछि मेहताले कनेक्ट आईपीएसलाई फोन गरे ।

Vianet communication
Laxmi Bank

कनेक्ट आईपीएसले चेकमार्फत बैंकले भुक्तानी गरिसकेको भन्दै आफूले केही गर्न नसक्ने जवाफ दियो ।

डिजिटल भुक्तानी प्रणाली सञ्चालकको अनुमति लिएको कनेक्ट आईपीएसले यस्तो गैर-जिम्मेवार जवाफ दिएपछि अहिले उनले नेपाल राष्ट्र बैंकमा उजुरी गरेका छन् ।

उनको खाताबाट कनेक्ट आईपीएस प्रयोग गरेर गैरकानूनी रूपमा ९ लाख ट्रान्सफर भएको एक महिना बित्दा पनि उनले कहीँ कतैबाट चित्त बुझ्ने जवाफ पाएका छैनन् । मेहताले लोकान्तरसँग भने, 'पैसा हराएको एक महिनासम्म मैले न्याय पाएको छैन । त्यो पैसा खोज्न म अब कहाँ जाऊँ ?'

राष्ट्र बैंकले उनको उजुरीउपर अनुसन्धान भइरहेको बताएको छ । राष्ट्र बैंकको भुक्तानी प्रणाली विभागका एक निर्देशकले लोकान्तरसँग भने, 'कनेक्ट आईपीएस प्रयोग गरेर गैरकानूनी रूपमा रकम भुक्तानी गरिएको भन्ने उजुरी आएको छ । हामीले त्यसमा मुख्य दोषी को हो भनेर हेरिरहेका छौं ।'

उनले कनेक्ट आईपीएस कसरी ह्याक भयो, त्यसको प्राविधिक पक्षबारे पनि अध्ययन भइरहेको बताए ।

यता कनेक्ट आईपीएसका सीईओ निलेशमान सिंह प्रधानले भने केस प्रहरीमा गैसकेकाले उतैबाट छानबिन हुने बताउँदै आफू जिम्मेवारीबाट उम्कने प्रयास गरेका छन् ।

प्रधानले लोकान्तरसँग भने, 'त्यो केस प्रहरीले हेरिरहेको छ । उतैबाट छानबिन भएपछि हामीले केही गर्ने कुरै भएन ।'

आफ्नो खाताबाट ह्याक पैसा चोर्ने गिरोहले सोही कनेक्ट आईपीएसको एकाउन्टमार्फत उनको आमाको नाममा रहेको खाताबाट पटक-पटक गरी १ लाख १० हजार अनाधिकृत रूपमा अन्तै ट्रान्सफर गरेको मेहताको आरोप छ ।

त्यस्तै कनेक्ट आईपीएसकै प्रयोग गरेर राष्ट्रिय वाणिज्य बैंक वीरगञ्जको पोखरिया शाखाबाट १ करोड ३७ लाख चोरी गर्ने रोहितकुमार ओझालाई आइतवार केन्द्रीय अनुसन्धान ब्यूरो (सीआईबी)ले पक्राउ गरेको छ । ओझा सोही बैंकमा कनिष्ठ सहायकको भूमिकामा काम गर्थे ।

प्रहरीका अनुसार उनले दक्षिण कोरियामा वैदेशिक रोजगारीका लागि गएका एक युवाको खातामा पैसा जम्मा मात्र भइरहेको, तर ननिकालिएको देखेपछि विगत ५ महिनादेखि पैसा चोर्ने योजना बनाएका थिए ।

त्यसका लागि उनले कनेक्ट आईपीएसकै कमजोरीलाई प्रयोग गरे । वैदेशिक रोजगारीमा रहेका ती युवाको नागरिकता सिस्टमबाट प्रिन्ट गरे, खातावालाको नम्बर पहिल्यैदेखि त्यहीँ थियो । अनि सिम हराएको भन्दै सोही नागरिकता प्रयोग गरेर वीरगञ्जस्थित टेलिकम शाखाबाट नयाँ सिम लिए ।

'त्यही सिमबाट कनेक्ट आईपीएसको नक्कली एकाउन्ट बनाए अनि कनेक्ट आईपीएस र बैंक एकाउन्टको पासवर्ड सोही सीममार्फत रिसेट गरेका रहेछन्,' सीआईबी स्रोतले लोकान्तरसँग भन्यो, 'अनि कनेक्ट आईपीएस प्रयोग गरेर २१ पटक गरी १ करोड ३७ लाख अर्कै एकाउन्टमा ट्रान्सफर गरियो ।'

सजिलै पासवर्ड परिवर्तन गर्न सकिने र सुरक्षाको अतिरिक्त मापदण्ड नभएको भन्दै कनेक्ट आईपीएसमार्फत हुने आर्थिक अपराधको शृंखला पछिल्लो समय बढ्दै गइरहेको छ ।

काठमाडौं उपत्यका अपराध अनुसन्धान कार्यालयका अनुसार कनेक्ट आईपीएस प्रयोग गरेर हुने ठगी र गैर-कानूनी क्रियाकलापबारे परेका उजुरीहरू छानबिनका क्रममा दर्जनौंपटक कनेक्ट आईपीएसकै कर्मचारीलाई बोलाएर सोधपुछ गरिएको छ ।

'हामी उनीहरूलाई बोलाएर पटक-पटक सोधपुछ गरिरहेका हुन्छौं,' कार्यालयका एक अनुसन्धान अधिकृतले लोकान्तरसँग भने, 'जस्तो व्यक्तिलाई पनि खाता खोल्न दिएको छ । जस्तोसुकै नागरिकता र फोटो प्रयोग गरे पनि भेरिफाइ गर्दिएको छ । एउटै मान्छेले सयौं सिम किनेर फर्जी नागरिकता बनाएर आईडी खोल्ने गरेको विषयलाई उनीहरू आफैंले नियमन गर्न सक्नुपर्ने हो, तर अटेर गर्छन् ।'

hAMROPATRO BELOW NEWS
TATA Below
फागुन २९, २०८०

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...

माघ ८, २०८०

राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...

पुस ८, २०८०

शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...

फागुन ३०, २०८०

अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...

कात्तिक २८, २०८०

नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...

चैत २७, २०८०

यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...

दाम्पत्य जीवनको दाम्लो

दाम्पत्य जीवनको दाम्लो

चैत २४, २०८०

दाम्पत्य जीवनको मूलभूत आधार भनेको विवाह संस्कार हो ।  यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...

x