काठमाडौंमा जारी त्रिकोणात्मक टी-२० सिरिजअन्तर्गत नेपाललले आज नामिबियाको सामना गर्दै छ । कीर्तिपुरस्थित त्रिवि मैदानमा हुने खेल नेपाली समयानुसार बिहान साढे ११ बजेबाट शुरू हुनेछ ।

पहिलो खेलमा नेपाललाई हराएको नामिबिया उच्च मनोबलका साथ मैदान उत्रिने छ । नेपाल भने पहिलो जितको खोजीमा छ ।

जारी सिरिजमा लगातार दुई खेलमा पराजय बेहोरेको नेपाल हारको ह्याट्रिक रोक्ने प्रयासमा हुने छ । दुई खेलमा पराजित नेपालले फाइनल खेल्ने सम्भावना कायम राख्न आज जित्नैपर्ने दबाबमा छ ।

सिरिजको पहिलो खेलमा नामिबियासँग नेपाल २० रनले भएको थियो भने दोस्रो खेलमा नेदरल्याण्ड्ससँग २ रनले पराजित भएको थियो । 

सिरिजमा दुई खेल खेलिसकेको नामिबिया बिहीबार भने नेदरल्याण्ड्स पराजित भएको थियो ।

नेदरल्यान्ड्स २ खेलमा ४ अङ्कसहित तालिकाको शीर्ष स्थानमा छ । नामिबिया २ अङ्कसहित दोस्रो स्थानमा छ । २ वटै खेल हारेको नेपाल पुछारमा छ ।

आईसीसी विश्वकप लिग- २ को पहिलो ओडीआई सिरिजमा घरेलु मैदानमा भएका चारमध्ये एक खेलमा मात्रै जितेको थियो ।