महाशिवरात्रि तथा नेपाली सेना स्थापनाको २६१ औं वार्षिकोत्सवको अवसरमा आयोजित नवौं संस्करणको प्रधानसेनापति खुला म्याराथन तथा रन फर फन प्रतियोगिता–२०८० सम्पन्‍न भएको छ ।

शनिवार सम्पन्न प्रतियोगितामा ४२.१९५ किलोमिटर म्याराथन खुल्ला पुरुष तर्फको उपाधि पर्वतका अनिष थापामगरले जितेका छन् ।

यस्तै प्रतियोगितामा २१ किलोमिटर हाफ म्याराथन (खुल्ला महिला/पुरुष), १० किलोमिटर म्याराथन ९छात्र तथा छात्रा), ५ किलोमिटर दौड (छात्र तथा छात्रा) र ५ किलोमिटर वाकाथन विधाहरू समावेश थियो ।

विभिन्न विधाहरुमा विजयी धावकहरूलाई प्रधान सेनापति महारथी प्रभुराम शर्मा, ओलम्पिक कमिटीका अध्यक्ष जीवनराम श्रेष्ठ, रक्षा सचिव किरणराज शर्मा, नेपाल एथलेटीक्स संघका अध्यक्ष राजिवविक्रम शाह, महारथी राजेन्द्र क्षत्री (अप्रा), महारथी, बलाधिकृत रथी अशोकराज सिग्देल, काठमाडौं महानगरपालिकाका सहायक निर्देशक अनिता श्रेष्ठ र एमएडब्लू राइडस् प्रालिका जनरल म्यानेजर दीपक रौनियारले पुरस्कार तथा प्रमाणपत्र वितरण गरेका थिए ।

पूर्वप्रधानसेनापतिहरू, बहालवाला तथा अवकाश प्राप्त रथीवृन्द तथा अधिकृतहरु, सैनिक श्रीमती संघका पदाधिकारीहरू, नेपाल प्रहरी, सशस्त्र प्रहरी बल, नेपाललगायत विभिन्न सरकारी निकायका पदाधिकारीहरु, सैनिक सहचारीहरू, सञ्चारकर्मी तथा सर्वसाधारणको उपस्थिति रहेको कार्यक्रममा सैनिक ब्याण्डले साङ्गीतिक प्रस्तुतिसमेत दिएका थिए ।

यस्तो छ पुरस्कृत धावकहरुको विवरण