इंग्लिस प्रिमियर लिग फूटबलमा कठिन जीत निकालेको छ । उपाधि होडमा रहेको लिभरपुलले शनिवार राति भएको २७औँ साताको खेलमा नटिङ्ङ्घम फोरेस्टलाई १–० गोल अन्तरले हराएको हो ।

पाहुना टोली लिभरपुलले अतिरिक्त समयको पनि अन्तिम समयमा गोल गरेर कठिन जीत सुरक्षित गर्न सफल भयो । 

निर्धारित ९० मिनेटको खेल ०–० भएका बेला अतिरिक्त समयको नवौं मिनेटमा लिभरपुलका लागि उरुग्वेन स्ट्राइकर डार्विन नुनेजले गोल गरेर महत्त्वपूर्ण जीत पक्का गराए । 

उनको गोलमा अर्जेन्टिनाका एलेक्स म्याक अलिस्टरले असिस्ट गरेका थिए । 

यो जीतपछि शीर्ष स्थानको लिभरपुलले २७ खेलपछि ६३ अंक जोडेको छ । एक खेल कम खेलेको दोस्रो स्थानको म्यानचेस्टर सिटीलाई लिभरपुलले चार अंकले पछि छाडेको छ ।