त्रिकोणात्मक टी–२० श्रृंखलाको पहिलो खेलमा नेपाल आज घरेलु टोली हङकङको सामना गर्दैछ । खेल हङकङस्थित तीन क्वाङ रोड रिक्रियसन मैदानमा नेपाली समयअनुसार बिहान ११ः१५ बजेदेखि शुरू हुनेछ ।

बुधवारसम्म चल्ने श्रृंखलामा नेपाल र हङकङसँगै र पपुवा न्युगिनी (पीएनजी) को पनि सहभागिता छ । नेपालको अर्को खेल मंगलवार पीएनजीविरुद्ध छ । 

आगामी जुनमा आयोजना हुने आईसीसी टी–२० विश्वकपको तयारीमा रहेको नेपाली टोली त्रिकोणात्मक टी–२० श्रृंखला खेल्न बिहीवार हङकङ पुगेको थियो ।

यसअघि नेपालले शनिवार हङकङसँग नै अन्तर्राष्ट्रिय मैत्रीपूर्ण टी–२० खेल खेलेको थियो । जसमा नेपाल ७३ रनले पराजित भएको थियो ।