चिनियाँ सेनाले फेरि अरुणाचल प्रदेशमा आफ्नो दाबी गरेको छ । चिनियाँ सेनाले अरुणाचल प्रदेश चीनको भित्री भाग भएको दाबी गरेको बीबीसी हिन्दीले जनाएको छ । 

समाचारमा जनाइएअनुसार यसअघि चीनले प्रधानमन्त्री नरेन्द्रको अरुणाचल भ्रमणको विरोध गरेको थियो । 

चिनियाँ रक्षा मन्त्रालयका प्रवक्ता वरिष्ठ कर्नेल चाङ सियाओगेङले भने, ‘शिझाङको दक्षिणी भाग चीनको आन्तरिक क्षेत्र हो । भारतले अवैध रूपमा स्थापित अरुणाचल प्रदेशलाई चीनले विरोध गरेको छ । हामीले अरुणाचल प्रदेशलाई कहिल्यै मान्यता दिएका छैनौं।'

अरुणाचलमा भारतीइ सेनाले सेला सुरुङ निर्माण गरेपछि चीनको यो बयान आएको हो । चीनले अरुणाचल प्रदेशलाई दक्षिण तिब्बत मानेको छ । प्रधानमन्त्री नरेन्द्र मोदीले मार्च ९ मा अरुणाचल प्रदेशको भ्रमण गरी सेला सुरुङमार्गको उद्घाटन गरेका थिए । यसप्रति चीनले आपत्ति जनाएको थियो ।