भारतीय प्रधानमन्त्री नरेन्द्र मोदीले ‘भारत रत्न’ले सम्मानित भएका हरित क्रान्तिका अगुवा डा एमएस स्वामिनाथनको प्रशंसा गरेका छन् ।

स्वामिनाथानलाई मरोणोपरान्त भारत रत्न प्रदान गरिएको तस्वीर सामाजिक सञ्जालमा राख्दै मोदीले उनको प्रयासले भारतलाई संघर्षबाट खाद्य उत्पादनमा आत्मनिर्भर बनाइदिएको बताएका हुन् ।

स्वामिनाथानलाई प्रदान गरिएको भारत रत्नले धेरै मानिसलाई कृषि र खाद्य सुरक्षामा अनुसन्धान गर्न प्रेरित गर्ने विश्वास उनले लिएका छन् ।

‘डा स्वामिनाथन कृषिको संसारमा सम्मानित व्यक्तित्व हुनुहुन्छ । आनुवंशिकी र कृषि विज्ञानको क्षेत्रमा उहाँको अग्रगामी काम र अनुसन्धानका लागि व्यापक रूपमा प्रशंसा गरिन्छ,’ मोदीले एक्स (ट्विटर)मा लेखेका छन्, ‘उनको प्रयासले भारतलाई संघर्षबाट खाद्य उत्पादनमा आत्मनिर्भर बनाइदियो । उहाँलाई प्रदान गरिएको भारत रत्नले धेरै मानिसहरूलाई कृषि र खाद्य सुरक्षामा अनुसन्धान गर्न प्रेरित गरोस् । उनीहरू कृषि र खाद्य सुरक्षामा अनुसन्धान गर्न प्रेरित गरोस् ।’

कृषि वैज्ञानिक डा स्वामिनाथनलाई भारतकी राष्ट्रपति द्रौपदी मुर्मूले आइतवार आयोजिक कार्यक्रममा ‘भारत रत्न’बाट सम्मानित गरेकी थिइन् ।

स्वामिनाथनको गत वर्ष मात्र ९८ वर्षमा निधन भएको थियो । यसर्थ सम्मान उनको परिवारले लिएका थिए । 

भारत रत्न भारत सरकारले दिने सबैभन्दा ठूलो नागरिक सम्मान हो ।