एसएमएस फ्रेन्डसीप कप २०२४ मा नेपाली राष्ट्रिय टोलीले भारतको गुजरातको टोलीलाई सहजै पराजित गरेको छ । 

टस जितेर पहिले फिल्डिङ रोजेको नेपालले गुजरातलाई ८ विकेटले पराजित गरेको हो । 

नेपाली बलर चम्किएपछि पाएको ९९ रनको लक्ष्य सहजै पूरा गर्दै नेपालले जीत हात पारेको हो । 

गुजरातलाई नेपालले १८.२ ओभरमा ९८ रनमा रोकेको थियो । 

९९ रनको सामान्य लक्ष्य नेपालले १५.२ ओभरमा २ विकेट गुमाएर पूरा गर्‍यो ।

नेपालका लागि अनिल शाहले ३२ र कप्तान रोहित पौडेलले २९ रन बनाए । 

गुजरातविरुद्ध गुल्सन झाले ४ ओभरमा २२ रन दिएर ४ विकेट लिए । करण केसीले पनि ३.२ ओभरमा २२ रन खर्चिदा ३ विकेट लिए । सोमपाल कामीले एक विकेट लिए ।