श्रीमतीको हत्या गरेको आरोपमा श्रीमान् पक्राउ

श्रीमतीको हत्या गरेको आरोपमा तेह्रथुमबाट एक जना पक्राउ परेका छन् ।

पक्राउ पर्नेमा म्याङलुङ नगरपालिका ६ सुर्केका ४६ वर्षीय दीपक लिम्बू छन् ।

५४ वर्षीया सुवासकुमारी लिम्बूको हत्या गरेको आरोपमा उनलाई सोमवार साँझ पक्राउ गरिएको प्रहरीले जनाएको छ ।

प्रहरीका अनुसार दीपकले धारिलो हतियार दाउ प्रहार गरी श्रीमतीको हत्या गरेको भन्ने खबर प्रहरीमा आएको थियो ।

त्यसपछि जिल्ला प्रहरी कार्यालय तेह्रथुम र प्रहरी चौकी जिरी खिम्तीबाट खटिएको प्रहरीले उनलाई धारिलो हतियारसहित पक्राउ गरेको हो ।

थप अनुसन्धान भइरहेको प्रहरीले जनाएको छ ।