गण्डकी प्रदेशमा मुख्यमन्त्री खगराज अधिकारीको नियुक्तिका विरुद्ध नेपाली कांग्रेसले सर्वोच्च अदालतमा रिट दर्ता गराएको छ ।

मुख्यमन्त्री अधिकारीको नियुक्ति बदर गरी आफूलाई मुख्यमन्त्री पदमै निरन्तरताका लागि अन्तरिम आदेशसहितको परमादेश जारी गर्न माग गर्दै कांग्रेस संसदीय दलका नेता सुरेन्द्रराज पाण्डेले मंगलवार सर्वोच्चमा रिट हालेका छन् ।

सभामुख कृष्ण धितालको समेत हस्ताक्षरमा प्रदेश प्रमुख डिल्लीराज भट्टले अधिकारीलाई मुख्यमन्त्री नियुक्त गर्नु असंवैधानिक भएको रिटमा दाबी गरिएको छ ।

निवर्तमान मुख्यमन्त्री पाण्डेले हालेको रिटको पेशी बुधवारलाई तोकिएको छ ।

नेकपा (एमाले) संसदीय दलका नेता अधिकारी नेकपा (माओवादी केन्द्र) र स्वतन्त्र सांसद दीपक मनाङे लगायतको समर्थनमा आइतवार मुख्यमन्त्री बनेका थिए । 

गण्डकीमा मुख्यमन्त्री नियुक्तिविरुद्ध सर्वोच्च जाने कांग्रेसको तयारी