मानव बेचबिखनमा संलग्न रहेको आरोपमा २ जना पक्राउ परेका छन् ।

पक्राउ पर्नेमा झापा गाउँपालिका -१ की पूजा लोपे र चितवनको वीरेन्द्रनगर घर भएकी ४३ वर्षकी पूजा मगर भन्ने ओमकुमारी पुन रहेका मानव बेचबिखन अनुसन्धान ब्यूरोका प्रहरी उपरीक्षक गौतम मिश्रले जानकारी दिए ।

ब्यूरोका प्रहरी उपरीक्षक मिश्रका अनुसार पूजाले काठमाडौंको चावहिलमा फ्रेन्डशिप ब्यूटी एण्ड स्पा सञ्चालन गर्दै आएकी थिइन्।

आर्थिक अवस्था कमजोर भएका बालिकाहरूलाई रेस्टुरेन्ट तथा स्पा लगायतमा आकर्षक तलब सुविधा हुने काममा लगाइदिने प्रलोभनसहित वेश्यावृत्तिमा लगाउने गरेको अभियोगमा उनीहरूलाई पक्राउ गरिएको ब्यूरोले जनाएको छ ।

पुनले नाबालिकालाई रातिको समयमा ग्राहकको अनुरोधमा विभिन्न होटल तथा गेस्ट हाउसहरूमा पठाओ प्रयोग गरी पठाउने गरेकी थिइन् ।