सार्वजनिक पदमै रहँदा अमेरिकाको स्थायी आवासीय अनुमति पत्र (पीआर) राखेको अभियोगमा सेक्युरिटी प्रिन्टिङ प्रेसका तत्कालीन कार्यकारी निर्देशक विकल पौडेलविरुद्ध मुद्दा लिएर अख्तियार दुरुपयोग अनुसन्धान आयोगका कर्मचारीहरू विशेष अदालत पुगेका छन् ।

गैरकानूनी सम्पत्ति आर्जनको अभियोगमा हिरासतमा रहेका पौडेलविरुद्ध पीआरसम्बन्धी मुद्दा दायर गर्न लागिएको अख्तियार स्रोतले लोकान्तरलाई जानकारी दियो ।

विशेष अदालतमा उक्त मुद्दा रुजुको काम भइरहेको  छ । रुजु भएलगत्तै मुद्दा दर्ता हुनेछ ।

विकलले नेपालमा सरकारी सुविधा लिइरहेका बेला अमेरिकाको पीआर पनि राखेको पाइएको हो । कानून: यसो गर्न वर्जित छ ।