इन्डियन प्रिमियर लिग (आइपीएल) मा राजस्थान रोयल्सले मुम्बई इन्डियन्सविरुद्ध ९ विकेटको सानदार जीत हात पारेको छ । सोमबार राति सम्पन्न खेलमा यशस्वी जैसवालको शानदार शतकसहित राज्स्थानले मुम्बईलाई हराएको हो ।

१ सय ८० रनको लक्ष्य राजस्थानले १८.४ ओभरमा १ विकेटको क्षतिमा पूरा गर्‍यो । 

दमदार सुरुवात गरेको राजस्थानका लागि यशस्वी र जोस बटलरले पहिलो विकेटका लागि ७४ रनको साझेदारी गरेका थिए ।

बटलर ३५ रन बनाएर आउट भएपछि यशस्वी र सन्जु सामसनले टोलीलाई जीत दिलाएका थिए । ६० बल खेलेका यशस्वी ९ चौका र ७ छक्कासहित १ सय ४ रनमा नटआउट रहे । २८ बल खेलेका सन्जुले २ छक्का र २ चौकासहित नटआउट ३८ रन बनाए । मुम्बईका लागि एक मात्र विकेट पियुष चावलाले लिएका थिए ।

त्यसअघि टस जितेर ब्याटिङ गरेको मुम्बईले तिलक वर्माको अर्धशतसँगै निर्धारित २० ओभरमा ९ विकेट गुमाएर १ सय ७९ रन बनाएको थियो । २० रन जोड्दा ३ महत्वपूर्ण विकेट गुमाएको मुम्बईका लागि मध्यक्रमले सम्हालेको थियो । 

८ खेलमा ७ जीत र १ हारका साथ शीर्षस्थानमा रहेको राजस्थानको १४ अंक छ । समान १० अंकसहित कोलकाता नाइट राइडर्स दोस्रो र सनराइजर्स हैदरावाद तेस्रो स्थानमा छ । सातौं स्थानको मुम्बईको ६ अंक छ ।