×

NMB BANK
NIC ASIA

कर्मचारी समायोजनको सकस

निजामती कर्मचारीको भविष्य सफ्टवेयरको ‘हात’मा, समायोजन नरोज्ने विकल्प नै छैन !

पुस ९, २०७५

NTC
Premier Steels

काठमाडौं– कर्मचारी समायोजन अध्यादेश राष्ट्रपतिबाट प्रमाणीकरण भएर लागू भएसँगै सरकारले तीनवटै तहमा स्थायी रूपमा कर्मचारी समायोजनको प्रक्रिया शुरू गरेको छ । 

Muktinath Bank

समायोजनप्रति केही कर्मचारी, विभिन्न ट्रेड युनिहरूले विरोध जनाइरहँदा पनि संघीय मामिला तथा सामान्य प्रशासन मन्त्रालयले संघ, प्रदेश र स्थानीय तहमा कर्मचारी समायोजनको प्रक्रिया शुरू गरेको हो । 


Advertisment
RMC TANSEN
IME BANK INNEWS
shivam ISLAND

‘कर्मचारीका असहमतिप्रति मन्त्रालय र सरकार गम्भीर छ,’ संघीय मामिला तथा सामान्य प्रशासन मन्त्रालयका प्रवक्ता एवं उपसचिव सुरेश अधिकारीले लोकान्तरसँग भने, ‘उहाँहरूको गम्भीर र जायज चासोलाई संघीय निजामती ऐनमा समेटिने आधार छ । अहिले नै कुनै पनि कर्मचारीले आत्तिहाल्नुपर्ने अवस्था छैन ।’


Advertisment
Nabil box
Kumari

कर्मचारी समायोजनका लागि मन्त्रालयले अहिले कर्मचारीको विवरण पनि तयार गरिरहेको छ ।

Vianet communication

निजामती कर्मचारीको विवरण सेवा सञ्चालन गर्ने निकायले तयार गर्नेछ । यस्तै साविकका स्थानीय निकाय गाविस, नगरपालिका, उपमहानगरपालिका र महानगरपालिकामा स्थायी नियुक्ति पाएका कर्मचारीको विवरण सम्बन्धित जिल्लाको जिल्ला समन्वय समितिले तयार पार्नेछ । अहिले प्रायः सबै जिल्लाबाट जिल्ला समयन्वय समितिले त्यस्ता कर्मचारीको विवरण मन्त्रालयमा पठाइसकेको छ । 

कर्मचारीको भविष्य सफ्टवेयरको हातमा !

सरकारले कर्मचारी समायोजनका लागि छुट्टै सफ्टवेयर पनि प्रयोगमा ल्याउने छ । संघीय मामिला तथा सामान्य प्रशासन मन्त्रालयले कर्मचारीको विवरण तयार भइसकेपछि सफ्टवेयरको परीक्षण गर्नेछ । 

सफ्टवेयरको परीक्षण भइसकेपछि मन्त्रालयले समायोजनका लागि आवेदन आह्वान गर्ने छ । यसरी आवेदन खुलाउँदा समायोजन गरिने संघ, प्रदेश वा प्रत्येक जिल्लाका स्थानीय तहको सेवा, समूह, उपसमूह तथा त्यस अन्तर्गतका पद संख्या एवं श्रेणी वा तह खुलाउनु पर्नेछ । 

यसरी आवेदन आह्वान भएपछि कर्मचारीहरूले आफू समायोजन हुन चाहेको संघ, प्रदेश र स्थानीय तहको प्राथमिकताक्रम खुलाई आवेदन दिनुपर्ने छ । 

कर्मचारीको सेवा, समूह, कार्यरत पदको ज्येष्ठता, नागरिकतामा उल्लेखित ठेगना लगायत विषयलाई आधार बनाएर कुन कर्मचारी कुन स्थानीय तह, प्रदेश वा संघका निकायमा समायोजन हुने भनेर निक्र्यौल गर्नेछ । 

यसका लागि सामान्य प्रशासन मन्त्रालयले अहिले सफ्टवेयर निर्माणको काम गरिरहेको छ । अबको केही दिनमै सफ्टवेयरले अन्तिम रूप लिने प्रवक्ता अधिकारीले जानकारी दिए । 

आवेदन आह्वान भएपछि कर्मचारीले समायोजनका लागि अनलाइनबाटै आवेदन दिन पाउनेछन् । कर्मचारीले लिखित रूपमा दिएको आवेदन पनि सफ्टवेयरमा इन्ट्री गरिने छ । 

देशका सबै स्थानीय तह, प्रदेश सरकार अन्तर्गतका विभाग र कार्यालय तथा संघीय सरकार मातहतका कार्यालयमा काम गर्ने कर्मचारीले अनलाइनबाटै समायोजनको आवेदन दिन सक्नेछन् । 

अनलाइनबाटै आवेदन दिने व्यवस्थाका लागि ७७ वटै जिल्ला प्रशासन कार्यालयमा सहायता कक्ष (हेल्प डेस्क) पनि राखिनेछन् । कर्मचारीले अनलाइनबाट आवेदन दिँदा आफ्नो पेशागत तथा वैयक्तिक विवरण भर्नुपर्ने छ । जस्तै नाम, ठेगना, नागरिकता नम्बर, कार्यरत पद, नियुक्ति मिति, कार्यरत कार्यालय आदि अनलाइन फर्ममा भर्नुपर्नेछ । यसरी भरिसकेपछि उक्त विवरण निजामती किताबखानामा भएको विवरणसँग दाँजिने छ । निजामती किताबखानासँग विवरण दाँजेपछि सफ्टवेयरले नै कर्मचारी समायोजनको प्रक्रिया अपनाउने छ । 

कर्मचारी समायोजन अध्यादेशको दफा (८) मा संघ, प्रदेश र स्थानीय तहमा समायोजनका आधार तय गरेको छ । सोही बमोजिम सफ्टवेयरलाई डिजाइन गरिने जनाइएको छ । 

संघमा समायोजन गर्दा कार्यरत पदको ज्येष्ठतालाई पहिलो प्राथमिकता दिइने छ । त्यस्तै कार्यरत पदभन्दा तल्लो श्रेणी वा तहको पदको ज्येष्ठता र उमेरको ज्येष्ठतालाई क्रमशः दोस्रो र तेस्रो प्राथमिकता दिइने छ । 

प्रदेश तथा स्थानीय तहमा समायोजनका लागि कार्यरत पदको ज्येष्ठता, कार्यरत पदभन्दा तल्लो श्रेणी वा तहको पदको ज्येष्ठता, कार्मचारी हाल कार्यरत रहेको प्रदेश वा स्थानीय तह, हालको स्थायी बसोबासको ठेगाना, नागरिकताको प्रमाणपत्रमा उल्लिखित ठेगानालाई आधार बनाइने छ । 

स्थानीय तहमा मात्रै समायोजन हुन चाहने कर्मचारीले १५ वटा स्थानीय तह रोज्न दिइने छ । नभए कर्मचारीले आफूले समायोजन हुन चाहेको तहमा पनि प्रथमिकता तोक्न पाउनेछन् । जस्तै संघ, प्रदेश र स्थानीय तहमध्ये समायोजन हुन चाहेको तह कर्मचारीले रोज्न पाउनेछन् । स्थानीय तह रोज्दा विभिन्न गाउँपालिका र नगरपालिकालाई प्राथमिकता तोकेर रोज्न पाइने छ । 

समायोजन नरोज्ने विकल्प छैन 

सरकारले समायोजन नरोज्ने कर्मचारीलाई अन्य विकल्प दिन नसकिने बताएको छ । समायोजनका लागि कुनै कर्मचारीले आवेदन नदिएमा पनि उपयुक्तता हेरेर उनीहरूलाई पनि समायोजनमा समावेश गर्ने सरकारको तयारी छ । 

यसरी समायोजनमा जाने कर्मचारीहरूलाई समायोजन रोजेका अन्य कर्मचारीले छाडेका ठाउँमा जानुपर्ने बाध्यता आइलाग्ने छ ।

‘समायोजनका लागि आवेदन नदिएका कर्मचारीलाई पनि निजामती किताबखानामा भएको उनीहरूको विवरणका आधारमा समायोजनमा सहभागी गराइनेछ,’ संघीय मामिला तथा सामान्य प्रशासन मन्त्रालयका सहसचिव एवं प्रवक्ता सुरेश अधिकारीले भने, ‘आवेदन नदिएका कर्मचारीले अरुले रोजेर छाडेको ठाउँमा जानुपर्ने अवस्था हुनसक्छ, त्यसैले आवेदन नदिनुभन्दा पनि दिनु नै राम्रो हुन्छ ।’

hAMROPATRO BELOW NEWS
TATA Below
चैत २७, २०८०

शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...

बैशाख १३, २०८१

स्वास्थ्य तथा जनसंख्या मन्त्री उपेन्द्र यादवका छोरा अमरेन्द्र यादवले मन्त्रालयमा 'छायाँ मन्त्री'को झल्को दिनेगरी काम गरिरहेको चर्चा हुन थालेको छ । मन्त्री यादवले गर्नुपर्ने कामसमेत स्वकीय सचिवको रूपमा रहेका ...

चैत २, २०८०

त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...

असोज १९, २०८०

ने​पालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...

कात्तिक २४, २०८०

अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...

कात्तिक २२, २०८०

अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ ।  ट...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x