चैत १, २०८०
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
काठमाडौं – वसन्त ऋतुमा रुखका पालुवा पलाउँछन्, त्यही सिजनमा पार्टीलाई हराभरा बनाउन कांग्रेसले जागरण अभियान शुरू गर्यो ।
प्रमुख प्रतिपक्षी नेपाली कांग्रेस अहिले जागरण अभियानका लागि देश दौडाहामा छ तर जागरण अभियान प्रभावकारी नभएको भन्दै स्वयं शीर्ष नेतृत्वबाटै आरोप आइरहेको छ ।
सोमवार आफ्नै निवासमा पार्टीका जिल्ला नेताहरू बोलाएर प्रकाशमान सिंहले जागरण अभियान प्रभावकारी नभएको आरोप लगाए ।
कांग्रेस लथालिंग भएको भन्दै सिंहले व्यक्तिगत स्वार्थमा चलाउन खोजिएको आरोप लगाए । पूर्वमहामन्त्री समेत रहेका सिंहले कांग्रेस विचार र सिद्धान्तमा चल्न छोडेको र यसले निराशाजनक स्थिति पैदा गरेको विचार व्यक्त गरे । कांग्रेसले चलाएको जागरण अभियानले कांग्रेसमा भएको ऊर्जा पनि क्षति भएको तर साँच्चिकै जागरण भित्रिन नसकेको सिंहको भनाइले नै प्रष्ट पारेको छ ।
निर्वाचनमा पराजय व्यहोर्ने बित्तिकै कांग्रेसभित्र जागरण अभियानको माग भएको थियो । वरिष्ठ नेता रामचन्द्र पौडेल पक्षीय नेताहरूले पार्टीभित्र यस्तै प्रकारको अभियान चलाउनुपर्ने माग गरेका थिए । तर सभापति शेरबहादुर देउवाले पौडेलको मागलाई एउटा कानले सुनेर अर्काे कानले उडाइदिए । हारको जिम्मा कसले लिने भनेर लामो समय बहस चलेको थियो । त्यो बहस आजसम्म पनि चालू छ ।
नेता सिंहले नै जागरण अभियान प्रभावकारी नभएको आरोप लगाउन थालेपछि कांग्रेस अन्य नेता कार्यकर्ता अभियानलाई लिएर उत्साहित देखिएका छैनन् । कतिपयले समयमै हुनुपर्ने महाधिवेशन सार्ने प्रयोजनका लागि जागरण अभियान ल्याइएको दाबी गरेका छन् । पूर्वमन्त्री तथा नेपाली कांग्रेसका पूर्व मुख्य सचेतक लक्ष्मण घिमिरेले ‘झारा’ टार्नका लागि जागरण अभियान चलाइएको टिप्पणी गरे ।
‘महाधिवेशन समयमै गर्ने हो भने अहिलेदेखि तयारी शुरू हुनुपर्थ्यो,’ घिमिरेले लोकान्तरसँग भने, ‘तर महाधिवेशनको तयारी नगरिकन कांग्रेस जागरण अभियान भन्दै झारा टार्ने काम भएको छ । यही नेतृत्वले कांग्रेसलाई अघि लैजान सक्ने अवस्था देखिएन । सभापतिज्यू आफ्नो कार्यकाल लम्ब्याउने र महाधिवेशन समयमै नगर्ने खेलोमा लाग्नुभएको प्रष्ट देखिन्छ ।’
७७ जिल्लाकै ७ सय ५३ स्थानीय तहसम्म व्यापक रूपमा अभियान लैजाने भनिएपनि लथालिंग संरचना र पार्टीका शीर्ष नेताहरूबीच पानी बाराबारको स्थिति देखिएकाले अभियान प्रभावकारी नभएको हो । बरू जागरण अभियानका नाममा भएका कतिपय प्रदेश र जिल्लामा भएका कार्यक्रमलाई स्थानीय नेता कार्यकर्ताले नेतृत्वविरुद्ध कुण्ठा पोख्ने माध्यम बनाएका छन् ।
दुई साताअघि काठमाडौंमा आयोजित एक कार्यक्रममा पार्टीका नेता शेखर कोइरालाले पार्टीको तल्लो तहमा नभई माथिल्लो तहमा जागरणको आवश्यकता रहेको भन्दै व्यंग्य गरे । ‘नगरदेखि गाउँ वडासम्म पार्टी एकाई नै नबनेको अवस्थामा कसलाई जागरुक बनाउन राष्ट्रिय जागरण अभियान चलाइएको हो ?’ कोइरालाले प्रश्न गरेका थिए । यो प्रश्न कांग्रेसभित्र अनुत्तरित प्रश्न हो ।
जागरण अभियान प्रभावकारी बनाउन कांग्रेसले केन्द्रीय अनुशासन समितिलाई परिचालन गरेर शीर्ष नेताविरुद्ध अभिव्यक्ति दिन नपाइने नियम ल्याएको थियो तर कांग्रेसभित्र शीर्ष नेताहरूले नै पार्टी र पार्टीले सञ्चालन गरेको अभियानमाथि व्यंग्य कस्दै आइरहेका छन् । पार्टीको अनुशासन समिति मौन छ । यसबारेमा कांग्रेस अनुशासन समितिका संयोजक भीष्म आङदाम्बे चुप छन् । ‘शीर्ष नेताले पार्टीकै विरुद्ध गतिविधि गरेको उजुरी आएको छैन, नआएको उजुरीमाथि छानबिन गर्ने कुरा भएन,’ आङदाम्बेले भने ।
वैशाख २५ गतेबाट शुरू भएको जागरण अभियानको पहिलो चरण १ महिना अर्थात जेठ २५ गते सकिन्छ । पहिलो चरणमा ७७ वटै जिल्लामा केन्द्रीय कार्यसमितिका नेताहरूलाई खटाइएको थियो तर अभियान त्यति व्यापक र प्रभावकारी हुन सकेन । ‘सञ्चारमाध्यमले पनि त्यति ध्यान दिएनन्,’ एक केन्द्रीय समिति सदस्यले भने, ‘७७ वटै जिल्लामा कार्यक्रम त भएको थियो तर कतिपय कार्यक्रमहरू भाषणबाजी गर्ने मात्रका कार्यक्रमहरू भए । सञ्चारमाध्यमको ध्यान आकर्षण गर्ने गरी कार्यक्रमहरू हुन सकेनन् ।’
जागरण अभियानले कांग्रेस पार्टीको महासमिति बैठकबाट पारित नीति, कार्यक्रम र संशोधित विधानबारे पार्टीको स्थानीय तहसम्म कार्यकर्ता र शुभेच्छुकलाई सुसूचित गराउने उद्देश्य राखेको थियो । राष्ट्रव्यापी रूपमा नवीन ढंगको एकता, समन्वय, हार्दिकता बढोत्तरी गर्न पार्टी सुदृढीकरणका विविध गतिविधि अघि बढाउने जागरण अभियानको मुख्य उद्देश्य थियो तर अभियान नेताहरूको भाषणबाजीमा मात्र सीमित रहेको छ ।
रुखका पालुवाले वातावरण हराभरा भइरहेको बेला जागरण अभियानले कांग्रेस पलाउला वा झन् अन्तर्द्वन्द्वमा फस्ला ? यसको जवाफ भविष्यले दिनेछ ।
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
फागुन २१ मा नाटकीय ढंगले सत्ता समीकरण बदलिएको दुई महिना पनि नबित्दै नयाँ समीकरणका लागि कसरत भइरहेको संकेत देखिएको छ । नेपाली राजनीति तथा सत्ताका खेलाडीसँग निकट विश्वसनीय स्रोतले भित्रभित्रै अर्को नयाँ स...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...