अरुणखोलाको पुल सञ्चालनमा आउन हप्ता दिन लाग्ने

प्रकाश आचार्य
प्रकाश आचार्य

प्रकाश आचार्य लोकान्तरका लागि ५ नम्बर प्रदेशका प्रतिनिधि हुन् ।

बुटवल - नवलपुर जिल्लाको मध्येविन्दु नगरपालिका पर्ने अरुणखोलाको पुल मर्मत गरी सञ्चालनमा ल्याउन केही दिन समय लाग्ने भएको छ । पूर्वपश्चिम राजमार्ग अन्तरगत पर्ने यो पुल बुधबार बिहान ना ६ ख ४७१ नम्बरको ट्रक पुलमा ठिक्किदा दुई सय मिटर लच्किएको थियो ।

उक्त पुलको मर्मत सम्भारको काम सडक डिभिजन कार्यालय, बुटवलले हेर्दै आएको छ । सडक डिभिजन कार्यालय बुटवलका इन्जिनियर हरि सुवेदीले ठक्करबाट पुलको ‘भल्टिक मेम्बर’ भाँचिएकोले सञ्चालनमा आउन हप्ता दिन लाग्ने बताए ।


Advertisement

‘पुल मर्मत पनि पुरानै अवस्थामा ल्याउन सकिन्छ तर केही दिन लाग्छ,' भाँचिएको पुल निरीक्षण गर्न पुगेका सुवेदीले लोकान्तरसँग भने, ‘पुलको ४० मिटर भाग दबेको छ । हामी र पुल महाशाखाको टोलीले मर्मतका काम अगाडि बढाउछौ ।’

२०३० सालमा बनेको पुल २ सय १४ मिटर लामो छ । यो पुल भएर दैनिक हजारौ सवारी साधन आवतजावत गर्छन । समय समय मर्मत गनुपर्न भए पनि मर्मत नहुँदा पुल कमजोर हुँदै गएको थियो । राजमार्ग क्षेत्रका धेरै पुलहरु अहिले कमजोर बन्दै गएका छन् ।


Advertisement

पुल तत्काल मर्मत गरेर सञ्चालनमा ल्याउन सञ्चालनमा ल्याउन ढिलाई हुने भएपछि पुल नजिकैबाट बैकल्पिक बाटो प्रयोग गरेर सवारी साधन सञ्चालनमा ल्याइएको छ । डाइभर्सन बनाएर गाडी आवतजावत भएपछि बीच बाटोमा रोकिएका यात्रुहरु गन्तव्यतर्फ लागेका छन् ।

सडक डिभिजन कार्यालयका अर्का इन्जिनियर दुर्गा गौतमले गाडीले फलामका संरचनामा ठक्कर दिँदा पुल दब्न पुगेको बताए । भल्टिकल मेम्बर भाँचिएको पुलमा गाडी चलाए अन्य ‘भल्टिक मेम्बर’ पनि भाँचिन सक्ने हुनाले गाडी रोकिएको बताए ।

 

कमेन्ट गर्नुहोस्