भक्तपुर- भक्तपुर क्षेत्र नं. १ (क) मा प्रदेशसभा सदस्यका लागि भएको उपनिर्वाचनमा नेपाली कांग्रेसका उम्मेदवार कृष्णलाल भडेल विजयी भएपछि र्‍याली निकालिएको छ । 

भडेल प्रदेशसभामा निर्वाचित भएपछि कांग्रेस र राप्रपा संयुक्तले विजयी र्‍याली निकालेका छन् । 

प्रदेश सभा अन्तरगत भक्तपुर क्षेत्र नम्बर १ को कमा नेपाली कांग्रेसका उम्मेदवार कृष्णलाल भँडेल विजयी भएका हुन् । उनले १३ हजार ४ सय ४९ मत प्राप्त गरेका थिए । 

उनका निकटतम प्रतिद्वन्दी नेपाल कम्युनिष्ट पार्टी नेकपाका उम्मेदवार देवी ढकालले ११ हजार २ सय ६ मत प्राप्त गरे । यस्तै नेमकिपाका निरज लबजुले ५ हजार ८ सय २९ मत प्राप्त गरे । कुल ३२ हजार ३७ मत खसेकोमा ४ सय ४५ मत बदर भएको छ । 

यो क्षेत्रमा यसअघि नेकपाका हरिशरण लामिछाने निर्वाचित भएका थिए । उनको निधन भएपछि यो क्षेत्रमा उपनिर्वाचन गरिएकाे हाे ।