कास्की क्षेत्र नम्बर– २ नेकपा उम्मेदवार विद्या भट्टराईले फराकिलो मतान्तरसहित लगभग जीत सुनिश्चित गरेकी छन् ।

भट्टराईले २० हजार ७९७ मत प्राप्त गर्दा उनका निकटतम प्रतद्वन्द्वी नेपाली कांग्रेसका खेमराज पौडेलले मात्र १२ हजार २६१ मत पाएका छन् ।

गन्न बाँकी मतभन्दा बढी मतान्तर भएपछि उनको जीत लगभग सुनिश्चित भइसकेको छ ।

यसका अलावा समाजवादी पार्टीमा १ हजार ५०३, राप्रपामा १ हजार ६ र साझा पार्टीमा ६ सय २६ मत परेको छ ।

तत्कालीन पर्यटन मन्त्री समेत रहेका कास्की– २ का सांसद रवीन्द्र अधिकारीको हेलिकप्टर दुर्घटनामा परी निधन भएपछि त्यहाँ उपनिर्वाचन भएको हो ।

नेकपाबाट उम्मेदवार बनेकी विद्या रवीन्द्रकै पत्नी हुन् ।

कास्की– २ रवीन्द्रपत्नी विद्याप्रति निकै राम्रो सहानुभूति देखिएको छ ।