नेकपा-राजपा सहमतिमा संघीय समाजवादीको प्रवेश

राष्ट्रिय सभा निर्वाचनमा एकले अर्कालाई सघाउने गरी सत्तारूढ दल नेपाल कम्युनिस्ट पार्टी (नेकपा) र राष्ट्रिय जनता पार्टी (राजपा)बीच भएको सहमतिमा रिजवान अन्सारी नेतृत्वको नेपाल संघीय समाजवादी पार्टीको प्रवेश भएको छ ।

आइतवार तीन वटै पार्टीबीचमा दुईबुँदे सहमति भएको हो ।


Advertisement

माघ ९ गते हुने तय गरिएको राष्ट्रिय सभा सदस्यको निर्वाचनमा संघीय समाजवादी पार्टीका मतदाताहरूले नेकपा र राजपाका उम्मेदवारहरूलाई सघाउने सहमतिमा उल्लेख छ ।

नेकपाका तर्फबाट महासचिव विष्णुप्रसाद पौडेल र कार्यालय सचिव श्रीराम पौडेल, राजपाका तर्फबाट संसदीय दलका नेता महन्थ ठाकुर र अध्यक्षमण्डलका सदस्य राजेन्द्र महतो, संघीय समाजवादीका तर्फबाट अध्यक्ष रिजवान अन्सारी र अनन्त राईको उपस्थितिमा दुईबुँदे सहमति भएको हो ।


Advertisement

सहमतिको दोस्रो बुँदामा आगामी दिनमा पनि राजनीतिक रुपमा सहकार्य र सहयोग आदान–प्रदान कार्य जारी रहने उल्लेख छ ।

राष्ट्रिय सभा निर्वाचनका लागि प्रदेश नम्बर २ मा नेकपाका तर्फबाट तुलसाकुमारी दाहाल र राधेश्याम पासवान उम्मेदवार छन् भने राजपाका तर्फबाट मृगेन्द्रकुमार सिंह यादव र शेखरकुमार सिंह छन् ।

गत पुस २ गते राष्ट्रिय सभा निर्वाचनमा आपसी तालमेल गर्न नेकपा र राजपा सहमत भएका थिए । प्रदेश नम्बर २ मा रहेको ४ सीटलाई नेकपा र राजपाले २/२ सीटमा बाँडफाँड गरेका थिए ।

 

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्