कृषि सामग्री कम्पनी लिमिटेडको प्रबन्ध सञ्चालक नियुक्ति विवाद अदालतले टुंगो लगाएको छ ।

२०८० माघ १८ गते बसेको सञ्चालक समिति विष्णुप्रसाद पोखरेललाई प्रबन्ध सञ्चालकमा नियुक्त गरेकोमा उच्च अदालत पाटनमा मुद्दा परेको थियो ।

नियुक्तिविरुद्ध रामचन्द्र ढकालले दायर गरेको मुद्दामा उच्च अदालत पाटनले फागुन ११ गते नियुक्तिलाई यथास्थितिमा राख्न आदेश दिएको थियो ।

त्यसपछि सञ्चालक समितिले पोखरेललाई नियुक्ति पूर्वकै पूर्ववत जिम्मेवारी दिएको थियो ।

सो निर्णय उपर ढकालले अदालतको अवहेलना मुद्दा दायर गरेका थिए ।

उच्च अदालत पाटनले २०८१ वैशाख १२ गते रिट खारेज गरिदिएपछि आइतवार बसेको सञ्चालक समिति बैठकले पोखरेललाई गत माघ १८ गतेको निर्णयअनुसार प्रबन्ध सञ्चालकको पदमा निरन्तरता दिने निर्णय गरेको छ ।