मंसिर १५, २०८०
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
बुटवल – भौतिक र प्राविधिक संरचना र पूर्वाधारको अभावमा सरकारी निकायले प्रभावकारी काम गर्न नसकेको बताइन्छ । बजारमा हुने कालोबजारी र अखाद्य वस्तुको बिक्रीवितरणमा सरकारले कडाइ गर्न सकेको छैन ।
बजारमा बिक्री हुने उपभोग्य वस्तुको गुणस्तर जाँच गर्न स्थापना भएका संरचनालाई नै सरकारी निकायले प्रयोगविहीन बनाउने गरेको पाइएको छ । सञ्चालनमा आएको १ वर्षमै बुटवलको हरियो तरकारी र फलफूलमा प्रयोग गरिएको विषादी परीक्षण गर्ने ‘विषादी अवशेष दु्रत विश्लेषण इकाई प्रयोगशाला’ बन्द भएको छ ।
बुटवल कृषि उपज तथा थोक बजार केन्द्रमा रहेको प्रयोगशाला कर्मचारी अभावले गएको असोज २० गतेदेखि बन्द भएको हो । प्रयोशाला बन्द हुँदा मानव स्वास्थ्यमा गम्भीर असर गर्ने विषादी परीक्षणमा बाधा पुगेको छ ।
प्रयोगशालामा गत वर्ष भदौदेखि तरकारी तथा फलफूलमा हुने विषादीको ल्याब परीक्षण गरिँदै आइएको थियो । विषादी अवशेष दु्रत विश्लेषण इकाई बुटवलका कार्यालय प्रमुख रामबहादुर खत्रीले सरकारले प्रयोगशालाका लागि आवश्यक कर्मचारी खटाउन नसक्दा सञ्चालनमा आएको छोटो समयमै प्रयोगशाला अलपत्रजस्तै बनेको बताए ।
‘प्रयोगशालाका लागि मसहित ३ जना कर्मचारी थियौं,’ बाली संरक्षण अधिकृत समेत रहेका प्रमुख खत्रीले भने, ‘१ जना कर्मचारीको करार सकिएपछि जानुभयो । करार थप भएन । अर्को १ जना ल्याब परीक्षण गर्ने प्राविधिकको काजसरूवा भएपछि म १ जनाले कार्यालयले खोलेर मात्र बसेको छु । परीक्षण गर्ने सबै कार्य विगत डेढ महिनादेखि पूर्ण रूपमा बन्द भएको छ ।’
प्रयोगशालाले १ वर्षको अवधिमा ११ प्रकारका तरकारी र फलफूलमा मानव स्वास्थ्यका लागि ‘घातक’ (खान अयोग्य) रासायनिक विषादीको बढी प्रयोग गरिएको परीक्षणमा देखिएको थियो । भन्टा, सिम्ला र बोडी, मालभोग केरा, करेला काउली लगायतका ११ प्रकारका तरकारीमा खान अयोग्य ४५ प्रतिशतभन्दा बढी स्फ्याक्टोमिटर देखिएको थियो ।
पछिल्लो समय व्यावसायिक तरकारी खेती बढ्दै गएको छ । त्यसमा लाग्ने किरा नष्ट गर्न र छिटो प्रतिफल प्राप्त गर्ने उद्देश्यले तरकारीमा विषादी प्रयोग गरी तत्काल बजारमा ल्याउँदा मानव स्वास्थ्यमा गम्भीर असर पुर्याउँदै आएको छ । उपभोक्तालाई विषादीरहित तरकारी र फलफूल खुवाउने उद्देश्यले स्थापना गरिएको प्रयोगशाला बन्द भएपछि तरकारीमा जथाभावी विषादी प्रयोग गरेर उपभोक्ताको स्वास्थ्यमाथि गम्भीर खेलवाड गर्नेहरू पुनः सलबलाउन थालेका छन् ।
५ नम्बर प्रदेशमा बुटवल र नेपालगञ्जमा प्रयोगशाला थिए । नेपालगञ्जको प्रयोगशाला पनि कर्मचारी अभावले बन्द भएको खत्रीले जानकारी दिए । बाली संरक्षण निर्देशनालय अन्तर्गत करीब १ करोड रूपैयाँ लगानीमा स्थापना भएको प्रयोगशाला स्थापना गरिएको थियो ।
अहिले कार्यालय प्रमुखले कार्यालय खोल्ने र बन्द गर्ने काम मात्र गर्दै आएका छन् । गत वर्ष सरकारले बुटवलसहित मुख्य ७ सहरमा द्रुत प्रयोगशाला स्थापना गरिएको थियो ।
कार्यालयले प्रयोगशालासहित बजारमा छड्के अनुगमन, बिहानै बजार आएको तरकारी तथा किसानको खेत बारीमा पुगेरसमेत अनुगमन गर्दै समेत आएको थियो । तरकारीमा विषादीको मात्रा जथाभावी प्रयोग भइरहेको र विषादीको अवशेष नसकिँदै बजारमा बिक्री वितरण गरिँदा जनस्वास्थ्यमा प्रत्यक्ष असर परेकाले त्यसलाई नियन्त्रण गर्न प्रयोगशाला प्रभावकारी भएको थियो ।
‘प्रयोगशाला बन्द भएपछि अब छड्के अनुगमन पनि गर्न नसक्ने अवस्था भयो,’ प्रमुख खत्रीले भने, ‘हामी गएपछि किसानहरू तरकारीमा बढी विषादी प्रयोग गर्न केही हच्किएका थिए । अब फेरि बढी प्रयोग गर्न सक्ने छ । जसको रोकथाम गर्न कुनै सरकारको योजना छैन ।’ देशभर तरकारीमा विषादीको मात्रा बढेपछि सरकारले बुटवलसहित ७ प्रदेशमा द्रुत प्रयोगशाला स्थापना गरेको हो ।
काठमाडौंको कालीमाटीसहित बुटवल, नेपालगञ्ज झापाको विर्तामोड, सर्लाही, पोखरा र कैलालीमा स्थापना भएका प्रयोगशाला एकैसाथ सञ्चालनमा आएका थिए । बाली संरक्षण निर्देशनालयअन्तर्गत करीब १ करोड रूपैयाँको लगानीमा स्थापना भएको प्रयोगशाला सञ्चालनमा आएको हो । कृषि उपजमा दैनिक ३ सय मेट्रिक टनसम्म तरकारी आउने गर्छ । यहाँ आउने ३० प्रतिशत तरकारी र ७० प्रतिशत फलफूल भारतीय हुन्छन् ।
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
यातायात व्यवस्था विभागका महानिर्देशक उद्धवप्रसाद रिजालसहितको टोली सवारी चालक अनुमति पत्र (लाइसेन्स)मा प्रयोग हुँदै आएको स्मार्ट कार्डको गुणस्तर अनुगमनका लागि भन्दै जर्मनी जान लागेका छन् । टोलीमा विभा...
काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...