कात्तिक १७, २०८०
यूएईलाई ८ विकेटले पराजित गरेर नेपाल सन् २०२४ मा अमेरिका र वेस्ट इन्डिजमा हुने टी–ट्वान्टी विश्वकपमा छनोट हुँदै गर्दा एउटा दृश्यले सबैको ध्यान तान्यो । सामाजिक सञ्जालदेखि अन्तर्राष्ट्रिय स्तरसम्म चर्चा...
पोखरा – छैटौं मनकामना केबलकार पोखरा कप फुटबल प्रतियोगिताको उपाधि क्यामरुनको डफिन्स टीम फेमेली फुटबल क्लबले जितेको छ ।
पोखरा रंगशालामा आइतवार भएको फाइनलमा विभागीय टीम एपीएफलाई १–० गोलअन्तरले पराजित गर्दै पहिलो पटक फुटबल खेल्न आएको पाहुना टोलीले उपाधिसहित ७ लाख ५५ हजार रुपैयाँ, ट्रफी र मेडल पुरस्कार जित्यो ।
उपविजेता एपीएफले ४ लाख ५ हजार रुपैयाँ पुरस्कारमा चित्त बुझायो ।
अत्यन्तै प्रतिष्पर्धात्मक फाइनलको ५४ औं मिनेटमा यान्निक ओवानाले उत्कृष्ट गर्दै आफ्नो टीमलाई उपाधिको हकदार बनाएका हुन् । अरमेल अहण्डाले विपक्षी पोस्टमा बल प्रहार गर्ने क्रममा एपीएफका सन्तोष कटुवाललाई लागेर रिबाउन्ड भएकोमा यान्निकले बललाई जाली चुमाएका हुन् । फाइनलमा खेलका म्यान अफ द म्याच घोषित यान्निकले गरेको सो गोल नै अन्ततः निर्णायक बन्यो ।
प्रतियोगितामा उत्कृष्ट खेलाडीको उपाधि एपीएफका गोलकीपर राजु नगरकोटीले पाए । उत्कृष्ट गोलकीपरको समेत उपाधि जितेका उनले उत्कृष्ट खेलाडीवापत मोटरसाइकल चढे ।
विधागत रुपमा उत्कृष्ट डिफेन्डर एपीएफकै रमेश दंगाल, मिडफिल्डर मनाङ मस्र्याङ्दीका हेमन गुरुङ, स्ट्राइकर डफिन्सका यान्निक ओवाना, उत्कृष्ट प्रशिक्षक एपीएफका राजेन्द्र तामाङले उपाधि जिते । उनीहरूलाई जनही २५ हजार रुपैयाँ पुरस्कार प्रदान गरियो ।
पोखरा रंगशालामा पहिलो पटक फुटबल खेल्न आएको जापानको रिस्सो युनिभर्सिटीको टीमलाई अनुशासित टीमको उपाधि दिइएको छ ।
विजेतालाई एन्फा अध्यक्ष कर्मा छिरिङ शेर्पा, एन्फा उपाध्यक्ष कृष्ण थापा, आयोजक एन्फा कास्की अध्यक्ष मिलन गुरुङ लगायतले पुरस्कार हस्तान्तरण गरे ।
आयोजकले फाइनल अवसरमा उत्कृष्ट फुटबल खेलाडीको रुपमा उत्तम गुरुङलाई पुरस्कृत गरेको छ । उनले स्कूटर पुरस्कार पाए ।
सञ्चारमाध्यममार्फत् खेल विकासमा उत्कृष्ट योगदान गरेकोमा फोटो पत्रकार उमेश पुनलाई नगद २५ हजार रुपैयाँसहित सम्मान गरियो । खेलकुद पत्रकार मञ्च कास्की सदस्य समेत रहेका पुन लामो समयदेखि फोटो पत्रकारितामा क्रियाशील छन् ।
एन्फा कास्कीले फुटबल विकासमा लामो समयदेखि योगदान दिएकोमा नवीन पुनलाई समेत सम्मान गरेको छ । क्यामरुन र एपीएफ समान ३ खेल जितेर फाइनल भिडेका थिए ।
उपाधि विजेता क्यामरुनले पहिलो चरणमा च्यासल क्लब, क्वाटरमा त्रिभुवन आर्मी, सेमिफाइनलमा लिग च्याम्पियन मनाङ मस्र्याङ्दीलाई हराएको थियो । फाइनलमा भने विपक्षीको तुलनामा एपीएफले खासै मुभ निकाल्न सकेन । केही उत्कृष्ट अवसर खेर फाल्दा लिगको पाँचौ स्थान रहेको उसले पोखरामा उपविजेतामै सीमित बन्यो ।
जितपछि डफिन्सका क्याप्टेन जो अङगोलाले जितपछि खुशी लागेको प्रतिक्रिया दिए । उनले नेपाली फुटबल कौशल राम्रो रहेको बताए ।
गत माघ १५ देखि शुरू प्रतियोगितामा विदेशी २ सहित १२ टिमले भाग लिएका थिए । वर्षाका कारण निर्धारित फाइनल खेल १ दिनपछि धकेलिएको थियो ।
प्याराफिट अभावमा पनि भुइँमै बसेर फुटबल हेर्न दर्शक उल्लेख्य मात्रामा दर्शक पोखरा रंगशालामा पुगेका थिए ।
यूएईलाई ८ विकेटले पराजित गरेर नेपाल सन् २०२४ मा अमेरिका र वेस्ट इन्डिजमा हुने टी–ट्वान्टी विश्वकपमा छनोट हुँदै गर्दा एउटा दृश्यले सबैको ध्यान तान्यो । सामाजिक सञ्जालदेखि अन्तर्राष्ट्रिय स्तरसम्म चर्चा...
कम उमेरमै विश्व क्रिकेटमा प्रभाव छोडेका नेपालका लेग स्पीनर सन्दीप लामिछाने अर्को दुर्लभ विश्व कीर्तिमान निकट पुगेका छन् । यस अघि गत वैशाखमा कीर्तिपुरमा ओमानविरुद्ध एकदिवसीयमा सबैभन्दा छिटो ४२ खेलमा एक सय विक...
नेपालले एसीसी यू–१९ एसिया कपमा बलिया टोली भारत, पाकिस्तान र अफगानिस्तानजस्ता बलिया प्रतिद्वन्द्वी पाएको छ । एसियन क्रिकेट परिषद् (एसीसी)ले बुधवार सार्वजनिक गरेको तालिकाअनुसार समूह ‘ए’म...
चितवनको भरतपुरस्थित गौतमबुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले मिलेर बनाउने सहमति गरेका छन् । प्रदेशको ७० प्रतिशत र महानगरको ३० प्रतिशत लगानीमा बनाउने सहमति भएको हो ।...
नेपालले वेस्ट इन्डिज ‘ए’सँगको टी–२० क्रिकेट श्रृंखला एक खेलअगावै गुमाएको छ । पाँच खेलको श्रृंखलाअन्तर्गत चौथो खेलमा पराजित भएसँगै नेपालले अन्तिम खेल नखेली वेस्ट इन्डिजलाई नतिजा सुम्प...
भारतमा जारी इन्डियन प्रिमियर लिग (आईपीएल) क्रिकेटमा कोलकाता नाइट राइडर्सले दिल्ली क्यापिटल्समाथि जीत दर्ता गरेको छ । सोमबार राति घरेलु मैदान इडेन गार्डेनमा भएको खेलमा उत्कृष्ट फर्ममा रहेको कोलकाताले द...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...