मंसिर ८, २०८०
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
असार ३, २०७६
काठमाडौं – मंगलवार ११ बजे बस्ने प्रतिनिधिसभा बैठकका लागि संसद सचिवालयले कार्यसूची तय गरिसकेको थियो ।
विनियोजन विधेयकमाथिको छलफल प्रारम्भ गर्नुअघि बैठकको शुरूमै प्रधानमन्त्रीले सार्वजनिक महत्त्वको विषयमा वक्तव्य दिने कार्यसूचीको पहिलो बुँदामा थियो ।
बिहान ११ बजेका लागि बोलाइएको बैठक १ घण्टा ढिलो शुरू भयो । राजनीतिक दलका शीर्ष नेता र सांसद संसद भवनमा उपस्थित भइसकेका थिए । बैठक शुरू हुनुअघि सभामुख कृष्णबहादुर महराले सत्तारुढ नेकपा र प्रमुख प्रतिपक्षी दल नेपाली कांग्रेसका प्रमुख सचेतक र सचेतकसँग छलफल शुरू गरे ।
सभामुखको कार्यकक्षमा प्रमुख प्रतिपक्षी दल नेपाली कांग्रेसले प्रधानमन्त्रीले सम्बोधन गर्नुभन्दा पहिले आफ्नो दलका नेता शेरबहादुर देउवाले बोल्न पाउनुपर्ने प्रस्ताव राख्यो । यसमा नेकपाका सचेतकले असहमति जनाए ।
‘यो संसदीय परम्परा विपरीत हुन्छ, प्रधानमन्त्रीले सम्बोधन गर्न समय माग गरेपछि त्यसभन्दा पहिला अरु बोल्ने कुरा हुँदैन,’ नेकपा सचेतकले भने ।
प्रधानमन्त्रीभन्दा पहिला आफ्नो नेता बोल्न पाउनुपर्ने मागमा अड्डी कस्दै कांग्रेसले सदन चल्न नदिने चेतावनी दियो । त्यसपछि सभामुख महराले कांग्रेससँग मध्यमार्गी प्रस्ताव राखे – पहिलो बैठकमा प्रधानमन्त्रीले सम्वोधन गर्ने र दोस्रो बैठकको शुरूमा प्रतिपक्षी दलको नेताले बोल्ने ।
तर सभामुखको प्रस्तावमा कांग्रेस सचेतक सहमत भएनन् । ‘तपाईहरू बैठक चलाउनुस् हामीले मान्दैनौ विरोध गर्छाै,’ कांग्रेस प्रमुख सचेतक बालकृष्ण खाणले भने ।
कांग्रेस सहमत नभएपनि सभामुख महराले बैठक चलाउने अडान लिए । बैठक शुरू हुनुपूर्व महराले पूर्व सभामुख एवं नेकपा संसदीय दलका उपनेता सुवास नेम्वाङसँग पनि परामर्श गरे । १ घण्टा ढिलो गरी सभामुख महराले संसदको बैठक शुरू गर्न घण्टी बजाउन आदेश दिए । संसदको बैठक शुरू भयो । बैठक शुरू भएको घोषणा गर्नसाथ प्रतिपक्षी दल कांग्रेसका सांसद उठेर विरोध जनाए ।
कांग्रेस सांसदको विरोधका बाबजुद महराले प्रधानमन्त्री ओलीलाई सम्बोधनका लागि समय दिए । कांग्रेसले विरोध गर्ने पूर्व जानकारी पाएका महरा प्रधानमन्त्रीलाई समय दिने क्रममा हड्बडाएका थिए ।
सभामुखको अनुमतिपछि प्रधानमन्त्री ओली रोस्टममा पुगे तर सम्बोधन गर्न पाएनन् । प्रधानमन्त्री रोस्टममा पुगेपछि कांग्रेस सांसद चर्को स्वरले नाराबाजी लगाउन थाले – ‘संसदीय मर्यादा कायम गर, प्रतिपक्षी दलको नेताले बोल्न पाउनुपर्छ ।’
आन्दोलन चर्काउने रणनीति ?
सदनमा प्रधानमन्त्री ओलीलाई सम्बोधन गर्न रोकेर कांग्रेसले गुठी विधेयकको विरोधमा चलेको आन्दोलन चर्काउने रणनीति लिएको नेकपाको आरोप छ । गुठी विधेयकको विरोधमा विभिन्न संघसंस्थाले बुधवार काठमाडौंमा विशाल प्रदर्शन गर्ने तयारी गरेका छन् ।
सोमवार काठमाडौं उपत्यकाका सांसद र जनप्रतिनिधिसँगको परामर्शका क्रममा ओलीले विधेयक सच्चाउने प्रतिवद्धता जनाएका थिए । गुठी विधेयकबारे ओलीले सरकारको धारणा संसदमा सम्बोधनमार्फत राख्ने तयारी गरेका थिए ।
‘प्रधानमन्त्री बोल्नको लागि रोस्टममा पुगेसकेपछि बोल्न नदिनु संसदीय परम्परा विपरीतको काम हो, प्रतिपक्षको नियतमा खोट छ,’ नेकपा सचेतक शान्ता चौधरीले लोकान्तरसँग भनिन् ।
संसद सचिवालयका पूर्व सचिव मुकुन्द शर्मा संसदमा प्रधानमन्त्री उभिएर सम्बोधन नगरी फर्किएको घटना आफ्नो स्मरणमा नभएको बताउँछन् । ‘प्रधानमन्त्री सम्बोधनका लागि रोस्टममा पुगिसकेको अवस्थामा उहाँको कुरा सुन्नु प्रतिपक्षको दायित्व हो । प्रधानमन्त्रीको कुरा चित्तबुझ्दो नभए पछि बोल्न पाइन्छ । ध्यानाकर्षण प्रस्ताव पनि ल्याउन सकिन्छ । प्रधानमन्त्री बोल्दाबोल्दै अप्रिय कुरा बोलेमा विचमै पनि कुरा राख्न सकिन्छ तर रोस्टममा पुगेका प्रधानमन्त्रीलाई बोल्न नदिनु शोभनीय कुरा होइन,’ शर्माले लोकान्तरसँग भने । यसअघि सरकारका नीति तथा कार्यक्रममाथिको छलफलका क्रममा ओलीले निम्छरो प्रश्नको जवाफ नदिने भनेपछि सदनमा हंगामा भएको थियो ।
बैठक स्थगित भएपछि पत्रकारसँग कुरा गर्दै कांग्रेस सभापति शेरबहादुर देउवाले संसारभर जवाफ दिने कुरामा प्रधानमन्त्रीले पछि बोल्ने गरेको जिकीर गरे ।
संसदमा सम्बोधन गर्न नपाएपछि प्रधानमन्त्री ओलीले मंगलवार पत्रकार सम्मेलनमार्फत आफ्ना कुरा राख्दैछन् । मंगलवार संसदमा भएको घटनाले सत्ता–प्रतिपक्षको दूरी झन् बढाएको देखिएको छ । संसदीय मूल्य, मान्यता र अभ्यासभन्दा पनि दलका नेताको ‘इगो’ हावी हुँदा जनप्रतिनिधिमूलक संस्था बेकामे बन्ने खतरा बढाएको छ ।
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...