गृह मन्त्रालयअन्तर्गतको बढुवा समितिले नेपाल प्रहरीका तीन नायब महानिरीक्षक (डीआइजी)लाई अतिरिक्त प्रहरी महानिरीक्षक (एआइजी)मा बढुवा गर्न सिफारिस गरेको छ ।

बिहीवार गृह सचिव महेश्वर न्यौपाने अध्यक्ष रहेको बढुवा समितिको बैठक बसेको थियो । बैठकले पहिलो नम्बर एआइजीमा तारिणी लम्साल, दोस्रो नम्बरमा शैलेश थापा क्षेत्री र तेस्रो नम्बरमा हरिबहादुर पाललाई सिफारिस गरेको हो ।

प्रहरीमा ३ एआइजी पद रिक्त रहेको थियो । गत माघमा पुस्कर कार्की, ठुले राई र धीरु बस्न्यातले एआइजीबाट अवकाश प्राप्त गरेका थिए । त्यसयता ती पदहरू रिक्त रहेका हुन् ।