चीनमा एक गाडीचालकले स्थानीय स्वास्थ्य अधिकारीहरूसमक्ष कोरोनाभाइरस नभएको प्रमाणित गर्न नमानेपछि रिसको सुरमा कारलाई शपिङ सेन्टरको भवनमा लगेर ठोकेका छन् । 

स्तब्ध बनाउने भिडियोमा ती क्रुद्ध चालकले आइतवार एक शपिङ मलको प्रवेशद्वारमा कार लगेर जोतेको देखिन्छ । घटना लुओयाङ शहरमा भएको हो । कारको अघिल्तिरको बम्पर खसेको देखिन्छ ।

स्वास्थ्य अधिकारीले उनलाई सम्भावित कोरोनाभाइरस वाहक नभएको प्रमाणित गर्न भनेपछि उनी रिसाएका थिए । 

उनलाई स्थानीय प्रहरीले पक्राउ गरेको छ । घटनाको अनुसन्धान जारी छ ।