ओलीसँग निर्णायक वार्ताका लागि प्रचण्ड र माधव नेपाल बालुवाटारमा

नेकपाभित्र देखिएको विवाद समाधानको प्रयासस्वरूप अध्यक्ष एवं प्रधानमन्त्री केपी शर्मा ओलीसँग भेट वार्ताका लागि अर्का अध्यक्ष पुष्पकमल दाहाल 'प्रचण्ड' बालुवाटार पुगेका छन् ।

बिहीवारको छलफलमा वरिष्ठ नेता माधवकुमार नेपाल पनि सहभागी छन् । भेटवार्ता केहीबेर अघिबाट शुरू भएको हो ।


Advertisement

यसअघि ओली र प्रचण्डले मात्र छलफल गर्दै आएका थिए । दुई अध्यक्षबीचको वार्ता निर्णायक चरणमा पुगेपछि नेता नेपाललाई पनि सहभागी गराउने भनिएको थियो ।

भोलि बस्ने स्थायी कमिटी बैठकअघि निर्णायक वार्ताका लागि भन्दै प्रचण्ड र नेपाल बालुवाटार पुगेका हुन् ।


Advertisement

अध्यक्षद्वयबीच बुधवार पनि छलफल भएको थियो । हिजोको छलफलका आधारमा आज नेता नेपाललाई सहभागी गराइएको हो । 

असार १० गतेदेखि शुरू स्थायी कमिटी बैठक बीचमै रोकेर ओली र प्रचण्डबीच निरन्तर छलफल भइरहेको छ ।

दुई अध्यक्षबीचको छलफल सकारात्मक रहेको बताइए पनि सहमति जुटिसकेको छैन । 

स्थायी  कमिटी बैठकमा ओलीको राजीनामा माग गरिएपछि नेकपा विवाद नयाँ चरणमा प्रवेश गरेको थियो ।

असार १८ गतेदेखि लगातार स्थगित हुँदै आएको नेकपा स्थायी कमिटी बैठक साउन २ गते अर्थात् भोलिका लागि बोलाइएको छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्