अध्यागमन विभागले अनिश्चितकालका भिसा सेवा बन्द गरेको छ ।

सोमवार एक विज्ञप्ति जारी गर्दै विभागको कार्यालयले सोमवारदेखि लागू हुने गरी अर्को सूचना नआउने बेलासम्म सेवा स्थगित गरिएको जनाएको हो ।  

'कोरोना संक्रमणको अवस्थालाई मध्यनजर गरी यस विभागबाट नियमित रूपमा हुँदै आएको भिसा सेवा सोमवारबाट अर्को सूचना नभएसम्मका लागि स्थगित गरिन्छ,' विज्ञप्तिमा भनिएको छ ।

अत्यन्त जरुरी काम परेको अवस्थामा भने कार्यालयका अधिकृत कुलशेखर अर्याल, पवनकुमार गुप्ता र  मधुसुधन भट्टराईलाई सम्पर्क गर्न सकिने विज्ञप्तिमा उल्लेख गरिएको छ ।