विष खुवाएर ज्यान मार्ने उद्योग कसुर गरी फरार रहेकी कञ्चनपुरको बेलडाँडी गाउँपालिका–१ की २६ वर्षीया समिरा चन्दलाई मंगलवार प्रहरीले पक्राउ गरेको छ ।

३ वर्षअघि नाबालकलाई विष खुवाई ज्यान मार्ने उद्योग गरी फरार रहेकी चन्दलाई घरमै लुकीछिपि बसेको बेला पक्राउ गरिएको जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापाले बताए ।

ज्यान मार्ने उद्योग कसुरमा चन्दलाई उच्च अदालत दिपायल महेन्द्रनगर इजलासले विक्रम संवत् २०७४ भदौ २० गतेको फैसलाअनुसार ५ वर्ष कैद सजाय तोेकेको थियो । अदालतले कैद तोकेपछि चन्द फरार रहेकी थिइन् ।

पक्राउ परेकी चन्दलाई अदालतमा पेश गरी कैद भुक्तानका लागि कारागार चलान गरिएको छ ।