संघीय सरकारले आफ्नो अधिकार क्षेत्रमाथि हस्तक्षेप गरेको भन्दै प्रदेश नम्बर २ सरकारले अदालतको ढोका ढक्ढक्याएको छ ।

प्रदेश सरकारका भौतिक पूर्वाधार मन्त्री जीतेन्द्र सोनलले बिहीवार सर्वोच्च अदालत पुगेर संघीय सरकारविरुद्ध रिट दायर गरेको प्रदेश सरकारका मुख्य न्यायाधिवक्ता दीपेन्द्र झाले लोकान्तरलाई जानकारी दिए ।

'प्रदेश सरकार मातहत आइसकेको भूमिगत जलस्रोत तथा सिँचाइ कार्यालय प्रदेश सरकार मातहत आइसकेको थियो, संघीय सरकारले हस्तक्षेप गरेपछि त्यसविरुद्ध मन्त्रीज्यूले अदालतमा रिट दायर गर्नुभएको हो,' मुख्य न्यायाधिवक्ता झाले लोकान्तरसँग भने ।

आफ्नो अधिकार क्षेत्र मिच्ने गरी संघबाट परिपत्र भएपछि अदालतको ढोका ढक्ढक्याउनुपरेको उनले बताए ।