टेस्ला कम्पनीका सीईआने इलोन मस्क संसारका सबभन्दा धनी व्यक्ति बनेका छन् । उनले अमेजनका मालिक जेफ बेजोसलाई पछि पारेका हुन् ।
 

मस्कको नेटवर्थ १८८ अर्ब डलरभन्दा बढी छ भने बेजोसको १८७ अर्ब डलर छ । 
 

टेस्लाको शेयरमा निरन्तर वृद्धि भएकाले मस्क धनी बनेका हुन् । 

इलेक्ट्रिक कार बनाउने टेस्ला कम्पनीका मालिक मस्कलाई ब्लूमबर्गले जारी गरेको ५०० जना अर्बपतिको सूचीमा पहिलो स्थान प्राप्त भएको छ । 

यो उपलब्धि हासिल गरेपछि मस्कले आफ्नै मस्त शैलीमा प्रतिक्रिया दिँदै ‘कति अनौठो कुरा’ भने । 

सन् २०२० मा लगभग २७ अर्ब डलर सम्पत्तिका साथ वर्ष शुरू गरेका मस्कले तीव्र गतिमा १५० अर्ब डलरभन्दा बढी रकम थपे । इतिहासमै यति छिटो कसैले सम्पत्ति जोडेको छैन । 

दक्षिण अफ्रिकामा जन्मेका मस्कले टेस्लाबाहेक स्पेस एक्समा पनि ठूलै हिस्सेदारी छन् । त्यसैले पनि उनको सम्पत्ति बढाउन योगदान गरेको हो । 
 

बेजोसको पारपाचुके भएकाले अनि उनले नोभेम्बर महिनामा ६८ करोड डलर दान गरेकाले पनि सम्पत्ति घटेको हो ।