पूर्व प्रधानमन्त्री एवं जनता समाजवादी पार्टीका संघीय परिषद् अध्यक्ष डाक्टर बाबुराम भट्टराईले रुञ्चेपिञ्चे कुरा नगर्न नेकपाको प्रचण्ड-माधव नेपाल पक्षलाई सुझाव दिएका छन् ।

नेकपा–प्रचण्ड नेपाल समूहका प्रवक्ता नारायणकाजी श्रेष्ठले शुक्रवार राष्ट्रिय सभा बैठकमा गरेको सम्बोधनलाई लक्षित गर्दै बाबुरामले केपी शर्मा ओलीले आत्मालोचना गरे फेरि भातभान्छा एउटै हुनसक्छ है भनेर रुञ्चे अभिव्यक्ति नदिन सुझाव दिएका हुन् ।

'ओलीले गल्ती स्वीकार गरेमा,आत्मालोचना गरेमा,कान समातेमा ..पार्टी एकता हुनसक्छ, सँगै भातभान्सा हुनसक्छ जस्ता रूञ्चेपिञ्चे कुरा गरेर ओली प्रतिगमन सच्याउन सकिन्न है ! हिट्लरको उदय र जर्मनीको सर्वनाशमा यस्तै ढुलमुले पिलन्धरे प्रवृत्तिको ठूलो भूमिका थियो भन्ने नबिर्सौं ! इतिहास नदोहोरिओस् !' बाबुरामले ट्विटरमा लेखेका छन् ।

ओलीले गल्ती स्वीकार गरेमा,आत्मालोचना गरेमा,कान समातेमा ..पार्टी एकता हुनसक्छ,संगै भातभान्सा हुनसक्छ जस्ता रून्चेपिन्चे कुरा गरेर ओली प्रतिगमन सच्याउन सकिन्न है!हिट्लरको उदय र जर्मनीको सर्वनाशमा यस्तै ढुलमुले पिलन्धरे प्रवृत्तिको ठुलो भूमिका थियो भन्ने नबिर्सौं! इतिहास नदोहोरिओस्!

— Baburam Bhattarai (@brb1954) January 8, 2021

नारायणकाजीले ओली प्रतिनिधि सभा सुचारु होस् भन्न तयार भए पुन: एकता हुनसक्ने बताएका थिए ।