कात्तिक २३, २०८०
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
माघ ६, २०७७
पुस २० गते महानगरीय प्रहरी प्रभाग नागढुंगाले स्रोत नखुलेको १ करोड ४७ लाख रुपैयाँ बरामद गरेको थियो । त्यसक्रममा २ जना पक्राउ परेका थिए ।
प्रहरीले सोही घटनामा संलग्न भएको अभियोगमा अन्य २ जनालाई कपिलवस्तुबाट पक्राउ गरेको छ ।
केही दिनअगाडि कपिलवस्तुका सचिन अग्रवाल र पाटन सुनचाँदी पसलमा काम गर्ने निरुद्धिन अन्सारीलाई पक्राउ गरेको महानगरीय प्रहरी परिसरका प्रमुख वरिष्ठ प्रहरी उपरीक्षक (एसएसपी) अशोक सिंहले जानकारी दिए ।
‘१ करोड ४७ लाख रुपैयाँ फलोअप गर्ने क्रममा उनीहरू पक्राउ परेका हुन्,’ एसएसपी सिंहले भने ।
पक्राउ परेका उनीहरूको साथबाट थप ४९ लाख रुपैयाँ बरामद भएको सम्पत्ति शुद्धीकरण अनुसन्धान विभागका प्रवक्ता सुशीलप्रसाद आचार्यले बताए ।
‘अनुसन्धानका क्रममा थप व्यक्तिको संलग्नता देखिएपछि कपिलवस्तु प्रहरीको समन्वयमा थप २ जना पैसासहित पक्राउ परेका छन्,’ प्रवक्ता आचार्यले लोकान्तरसँग भने ।
यसभन्दा अगाडि पक्राउ परेका २ जनाको बयानको आधारमा अनुसन्धान गर्दै जाँदा थप व्यक्ति पक्राउ परेका हुन् भने अरू पनि संलग्न भएको देखिएकाले उनीहरूको खोजी भइरहेको विभागले जनाएको छ ।
पक्राउ परेकाहरूको बयानका आधारमा उनीहरूले त्यो पैसा नेपालमा सुन तस्करी गर्नका लागि प्रयोग गर्ने गरी ल्याएको हुनसक्ने तथ्य खुलेको अनुसन्धानमा खटिएका एक अधिकारीले लोकान्तरलाई बताए ।
‘उनीहरूले त्यो पैसा सुन तस्करीमा प्रयोग गर्न खोजेको देखिन्छ । के कसरी प्रयोग गर्दै थिए ? यसमा को–को र कस्ता व्यक्तिले परिचालन गरिरहेका छन् भन्ने विषयमा अनुसन्धान भइरहको छ,’ ती अधिकारीले भने ।
काठमाडौं प्रहरी परिसर प्रमुख एसएसपी सिंहका अनुसार पछि पक्राउ परेका अग्रवाल र अन्सारी हुण्डी तथा सुन कारोवारमा संलग्न भएको पाइएको छ ।
पक्राउ परेका २ जना कपिलवस्तुस्थित भारतीय सीमा नाकामा वारपार व्यापार गर्ने र तस्करीमा समेत संलग्न हुन सक्ने आशंकामा अनुसन्धान भइरहेको उनले बताए ।
प्रहरी गत पुस २० गते चन्द्रागिरी नगरपालिका–२ मा रहेको उपत्यका छिर्ने मुख्य नाका नागढुङ्गामा चेक जाँच गर्ने क्रममा कपिलवस्तुबाट काठमाडौं आउँदै गरेको प्रदेश ३ –०१–०२३ च २२५९ नम्बरको ह्युन्डाइ क्रेटा कारको डिक्कीमा स्पेयर टायरमुनि ३ वटा कालो झोलामा राखेको अवस्थामा १ करोड ४७ लाख फेला पारेको थियो ।
कपिलवस्तु वाणगंगा नगरपालिका–४ का २२ वर्षीय चालक संगम थारुको साथबाट थप ८६ हजार रुपैयाँ बरामद गरेको थियो ।
महानगरीय प्रहरी परिसर काठमाडौंका प्रवक्ता प्रहरी नायब निरीक्षक (डीएसपपी) प्रमेस विष्टका अनुसार उनीहरूले भारतीय रुपैयाँलाई नेपाल र भारतको सीमा नाकामा केहीदिन लगाएर साटेपछि नेपाल भित्र्याएको देखिएको बताएका थिए ।
उनीहरूले भारतीय रुपैयाँलाई ३/४ लाखका दरले स्थानीय व्यापारीसँग साट्ने र नेपालमा ल्याएर एक ठाउँमा जम्मा गर्ने गरेको प्रहरीले जनाएको छ ।
प्रहरी स्रोतका अनुसार उनीहरूलाई त्यो पैसा साट्नका लागि मात्र करीब १ हप्ता लागेको थियो ।
नेपाल राष्ट्र बैंकले दिनमा ५ हजार भारतीय रुपैयाँभन्दा धेरै पैसा साट्न अनुमति दिँदैन त्यसै कारणले गर्दा पनि उनीहरूले स्थानीय व्यापारीसँग साटेको देखिएको छ । तर अहिलेसम्म पनि अनुसन्धानमै रहेका तथ्य प्रमाणित भइसकेको भने छैन ।
पैसा लिएर आउने चालक संगम थारू र भारतको गोरखपुर घण्टाघर बताउने ३० वर्षीय अमितकुमार गुप्ता यसभन्दा अगाडि कुनै अपराधमा संलग्न भए/नभएको अनुसन्धान भइरहेको विभागले जनाएको छ ।
नेपाल र भारतमा सुनको मूल्य फरक हुँदा तस्करी बढ्ने गर्छ ।
नेपालबाट भारततर्फ तस्करी हुँदा किलोमा नै तस्करी हुने र तोलामा २ रुपैयाँ मात्र मूल्य फरक हुँदा पनि धेरै फरक पर्ने गर्छ ।
नेपालमा समय–समयमा सुन तस्करीको घटना बाहिरिन्छन् ।
कात्तिक १ गते प्रहरीले वीरगञ्ज महानगरपालिका ५, रेशमकोठीस्थित गणेश अपार्टमेन्टबाट २३ किलोभन्दा बढी सुन बरामद गरेको थियो ।
त्यस क्रममा प्रहरीले १ केजीका १३ वटा बिस्कुट, मझौला बिस्कुट ४६ थान ९८ केजी ५७६ ग्राम र साना बिस्कुट १०० ग्रामका १० थान –एक केजी बरामद गरेको थियो ।
सुनका गरगहना ६८१ ग्रामसहित त्यसको कुल तौल २३ किलो थियो ।
त्यो भन्दा अगाडि साउन १४ गते उपत्यका प्रहरीकै संलग्नतामा १५ किलो सुन फेला परेको थियो तर पछि परीक्षण गर्दा १ किलो मात्रै सुन भएको पुष्टि भएको थियो ।
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...