माओवादी केन्द्रबाट निर्वाचित भएर केपी ओली समूहमा लागेका प्रदेशसभा सदस्य तथा अर्थ, उद्योग तथा पर्यटन समितिका सभापति दधिराम न्यौपाने ‘माधव’ ले आफू अब माओवादी केन्द्रमा नफर्किने बताएका छन् ।

उनले आफू वैचारिक रूपमै (ओली समूह)मा लागेको भन्दै अब सांसद पद गए पनि माओवादीमा नजाने स्पष्ट पारे । 

‘म पद जोगाउन गुट चेन्ज गरेको होइन’ न्यौपानेले लोकान्तरसँग भने, ‘हिजो यहीँ मुखले प्रचण्ड नेपाल समूहको कदम गलत छ भनेर भाषण गर्दै हिडने फेरि, पद जोगाउनका लागि उनै तिर फर्किने ? यो हुन सक्दैन । पद गए पनि म अब माओवादीमा फर्किन्न । पद पाउनको लागि अर्को निर्वाचन पनि आउछ ।’

न्यौपाने रुपन्देही क्षेत्र नम्बर १ को प्रदेशसभामा प्रत्यक्ष निर्वाचित सांसद हुन ।