नेकपा एमाले खनाल–नेपाल समूहले राजु गुरुङको अध्यक्षतामा नेकपा एमाले रूपन्देही समानान्तर कमिटी घोषणा गरेको छ ।

नेता युवराज ज्ञवाली र घनश्याम भुसालको उपस्थितिमा मंगलवार जिल्ला कमिटी घोषणाा भएको हो । 

जिल्ला विस्तारित बैठकमार्फत एमाले रूपन्देही कमिटी पुनर्गठन गरिएको अध्यक्ष राजु गुरुङले बताए । उपाध्यक्षमा पुरुषोत्तम घिमिरे, सचिवमा जागेश्वरीदेवी चौधरी र उपसचिवमा सिद्विचरण भट्टराईलाई जिम्मेवारी तोकिएको छ । रुपन्देहीमा २५० सदस्यीय समानान्तर कमिटी निर्माण गरिएको छ । 

क्षेत्रीय कमिटी, पालिका स्तरीय इन्चार्ज र जनवर्गीय संगठनको संयोजकको समेत जिम्मेवारी तोकिएको जिल्ला सदस्य खेम लुइँटेलले जानकारी दिए ।